KTR Press Meet : నిర్మాణాత్మక ప్రతిపక్ష పాత్ర పోషిస్తామని బీఆర్ఎస్ వర్కింగ్ ప్రెసిడెంట్ కేటీఆర్ అన్నారు. తెలంగాణ ఎన్నికల ఫలితాలపై బాధలేదు. అసంతృప్తిలేదన్నారు. కాంగ్రెస్ పార్టీకి ప్రజలు అవకాశం ఇచ్చారన్నారు. ప్రజల తీర్పుతో తాము కొత్త పాత్రలోకి వెళుతున్నామన్నారు. ప్రతిపక్ష పాత్రలో ఇమిడిపోయి ప్రజల తరఫున పోరాడుతామని స్పష్టం చేశారు. కొత్త ప్రభుత్వానికి సహకరిస్తామన్నారు. కొంత సమయం ఇస్తామన్నారు. ప్రజలకు ఇచ్చిన హామీలు నెరవేర్చుతారని ఆశిస్తున్నామన్నారు. ఈ ఓటమి స్పీడ్ బ్రేకర్ మాత్రమేనని తెలిపారు.
లక్షల మంది బీఆర్ఎస్ కార్యకర్తలు శ్రమించారని కేటీఆర్ అన్నారు. గతంలో కన్నా మెజార్టీ సాధిస్తామని ఆశాభావంతో ఎన్నికలకు వెళ్లామన్నారు. ఓటమికి కారణాలను సమీక్షించుకుంటామని స్పష్టం చేశారు. ఎక్కడ కోల్పోయామో మళ్లీ అక్కడే తెచ్చుకుందామన్నారు. హైదరాబాద్ నగరంతోపాటు మెదక్ జిల్లా ఓటర్లు బీఆర్ఎస్ కు పూర్తిగా అండగా ఉన్నారని తెలిపారు. కొన్నిచోట్ల స్వల్ప తేడాతో బీఆర్ఎస్ అభ్యర్థులు ఓడిపోయారని.. మంత్రులు ఓడిపోయారని వివరించారు. దాదాపు 12 మంది స్వల్ప తేడాతో ఓడిపోయారని చెప్పారు. గెలిచిన బీఆర్ఎస్ అభ్యర్థులకు శుభాకాంక్షలు తెలిపారు.
తెలంగాణ పోరాట స్పూర్తితో పనిచేస్తామని కేటీఆర్ కార్యకర్తలకు పిలుపునిచ్చారు. కార్యకర్తలు నిరాశకు లోనుకావద్దని మంచిరోజులు వస్తాయని చెప్పారు. గోడకు కొట్టిన బంతిలా పైకి లేద్దామంటూ కేటీఆర్ కార్యకర్తలకు పిలుపునిచ్చారు.
Share
Chhattisgarh Polls 2023 | ఛత్తీస్ గఢ్లో పట్టుకోల్పోయిన కాంగ్రెస్.. డిప్యూటీ సిఎం ఓటమి.. బిజేపీకే పట్టం!
BJP : ఉత్తర తెలంగాణలో ఆదరణ.. హైదరాబాద్ లో ఒక్క సీటే.. దక్షిణంలో శూన్యం..
