Telangana Budget 2026: మార్చి రెండో వారంలో బడ్జెట్ సమావేశాలు? కసరత్తు ముమ్మరం చేస్తున్న ప్రభుత్వం

Telangana Budget 2026: బడ్జెట్ రూపకల్పన పై ప్రభుత్వ ముమ్మర కసరత్తు చేస్తుంది. అన్ని శాఖలు నుంచి బడ్జెట్ అంచనాలను తీసుకుంటుంది. ఆయా శాఖల మంత్రులు సైతం అధికారులతో సమీక్ష నిర్వహిస్తూ బడ్జెట్ అంచనాలను రూపొందిస్తున్నారు. ఈనెల 23న క్యాబినెట్ బేటి అవుతుంది. ఈ భేటీలో బడ్జెట్ రూపకల్పన, ప్రాధాన్య అంశాలు, హామీలు గ్యారెంటీలకు నిధుల కేటాయింపు, నూతన పథకాల రూపకల్పన తదితర అంశాలపై చర్చించనున్నట్లు సమాచారం. ఈ క్యాబినెట్ బేటిలోనే అసెంబ్లీ సమావేశాలు ఎప్పటి నుంచి నిర్వహించాలనే దానిపై క్లారిటీ రానున్నట్లు తెలిసింది.

Also Read: JioHotstar ChatGPT: జియోహాట్‌స్టార్‌లో చాట్‌జీపీటీ పవర్.. మీ మూడ్‌ని బట్టి సినిమాలు.. కొత్త ఫీచర్

ఈనెల 26 నుంచి బడ్జెట్ సమావేశాలు

అయితే మార్చి రెండో వారంలో బడ్జెట్ సమావేశాలు నిర్వహిస్తారు అనే ప్రచారం జరుగుతుంది. ఇప్పటికే సోషల్ మీడియాలో ఈనెల 26 నుంచి బడ్జెట్ సమావేశాలు ప్రారంభం అవుతాయని.. 28న బడ్జెట్ ప్రవేశ పెడుతున్నారని.. శాసనసభలో ఆర్థిక శాఖ మంత్రి బట్టి విక్రమార్క, శాసనమండలిలో శాసనసభ వ్యవహారాల శాఖ మంత్రి దుద్దిల్ల శ్రీధర్ బాబు బడ్జెట్ను ప్రవేశపెడుతున్నారని ప్రచారం ఊపందుకుంది. ఈ బడ్జెట్ సమావేశాలు 10 నుంచి 15 రోజులు పాటు జరగనున్నట్లు సమాచారం.

ఓకే భవనంలోనే శాసనసభ శాసనమండలి

ఇప్పటివరకు శాసనసభ, శాసన మండలి సమావేశాలు వేర్వేరు భవనాల్లో కొనసాగుతున్నాయి.. అయితే శాసనసభ జరిగే భవనంలోనే ఇంతకుముందు ఉమ్మడి రాష్ట్రంలో జరిగిన విధంగా మండలిని జరుపబోతున్నారు. భవన మరమ్మతులు సైతం దాదాపు పూర్తి కావచ్చాయి. దీంతో మండలి సమావేశాలను ఇక్కడ నిర్వహించాలని ప్రభుత్వం భావిస్తుంది.

Also Read: Supreme Court: కొంప ముంచుతున్న ఉచిత పథకాలు.. ఇదే కొనసాగితే కష్టమంటున్న సుప్రీంకోర్టు

Share

• 
• 
• 
• 
• 
•