IRCTC Divya Rail Yatra: భారతదేశం తీర్థయాత్రల భూమి. కోట్లాది మంది భక్తులు జీవితంలో ఒక్కసారి అయినా భగవంతుని దివ్య దర్శనం కోసం ప్రయాణాలు చేస్తుంటారు. ఆధ్యాత్మికతను అనుభవించేదానికి, మనసుకు ప్రశాంతి ఇచ్చేదానికి, భగవంతుని చరణాలను తాకేదానికి వేల కిలోమీటర్ల ప్రయాణం చేసినా భక్తి ముందుంటుంది. అలాంటి దివ్య అనుభూతిని అందించే ఒక అద్భుతమైన యాత్ర ఇప్పుడు అందుబాటులోకి తెచ్చింది ఐఆర్సిటిసి. పేరు మహాకాళ్ ఓంఖారేశ్వర్కి దివ్య రైల్ యాత్ర. 7 రోజుల పవిత్ర ప్రయాణం, పవిత్ర నదులకు సాక్షిగా, జ్యోతిర్లింగాల మహిమలో మునిగే దైవ యాత్ర. చండీగఢ్ నుంచి ప్రారంభమై మహాకాళేశ్వర్ స్వామి, ఓంకారేశ్వర్ జ్యోతిర్లింగ దివ్య క్షేత్రాల సందర్శన అందిస్తుంది.
మహాకాళేశ్వర్ ఆలయ దర్శనం
దేవాధిదేవ మహాదేవుని 12 జ్యోతిర్లింగాలలో అత్యంత పవిత్రమైన క్షేత్రాల్లో ఉజ్జయినిలోని మహాకాళేశ్వర్ ప్రత్యేక స్థానం కలిగి ఉంది. కాల భైరవుని శక్తి రూపమైన మహాకాళేశ్వర్ స్వామి దర్శనం భక్తుడిని పాపముల నుంచీ విముక్తి చేస్తుందని శాస్త్రాలు చెబుతాయి. ఉదయం బ్రహ్మముహూర్తంలో జరిగే భస్మాభిషేకం దివ్య దర్శించే అదృష్టం అతి కొద్దిమందికే లభిస్తుంది. అంతటి పవిత్రమైన సమయంలో ఆ గర్భగుడిలో నడిచే ప్రతి క్షణం ప్రాణాంతకమైన భయాలు, బాధలను తొలగించి భక్తుని జీవితాన్ని ప్రకాశింపజేస్తుందని నమ్మకం. మహాకాళేశ్వర్ ఆలయం యొక్క కళాత్మక శిల్పాలు, ప్రాంగణంలో ప్రతిధ్వనించే శివ తత్వం, నిత్య దర్శనంలో వినిపించే హర హర్ మహాదేవ్ నాదం ఆత్మను మైమరపిస్తాయి.
ఓంఖారేశ్వర్ దర్శనం
ఇంకా ఓంఖారేశ్వర్. నర్మదా నది వద్ద పుట్టిన పవిత్ర ద్వీపం. నది ఆకృతి ఓం ఆకారంలో ఏర్పడటం వలన ఈ క్షేత్రానికి ఓంఖారేశ్వర్ అనే పేరు వచ్చింది. సహస్రాది సంవత్సరాలుగా మహర్షులు, సిద్ధులు, యోగులు ఈ ప్రదేశాన్ని ధ్యాన భూమిగా పూజించారు. నర్మదా నది తీరంలో ప్రతిధ్వనించే జలరావం దైవ తత్త్వాన్ని మనసులో నింపుతుంది. నదిపై నిర్మించిన పాతకాలపు రాతి వంతెనలు, ఘాట్లపై దీపారాధన, రాత్రి వేళల్లో మండే లక్షల దీపాల కాంతి భక్తుల కళ్లకు పండుగ. ఓంఖారేశ్వర్ జ్యోతిర్లింగ దర్శనం పుణ్యాన్ని అనుభవించాక మనసు ప్రశాంతమవుతుంది.
ఐఆర్సిటిసి ప్రత్యేక ప్లాన్.. రైల్ ప్యాకేజ్
ఈ రెండు పవిత్ర క్షేత్రాలను ఒకే ప్రయాణంలో చూడే అవకాశం ఇప్పటివరకు చాలా మందికి దొరకని అదృష్టం. కాని ఇప్పుడు ఐఆర్సిటిసి ప్రత్యేకంగా ప్లాన్ చేసిన ఈ రైల్ ప్యాకేజ్ ప్రతి భక్తుడికి అమూల్యమైన దోహాదం. చండీగఢ్ నుంచి ప్రతి శనివారం రాత్రి బయలుదేరే ఈ దివ్య రైల్ యాత్రలో భోజనం, వసతి, ట్రాన్స్పోర్ట్, దర్శనాల సౌకర్యం అందరికీ సులభంగా లభిస్తుంది. ఏడు రోజుల పవిత్ర ప్రయాణంలో భక్తులు ప్రయాణ అలసటను మరచి, పూర్తి సౌకర్యాలతో, దైవ ఆనందాన్ని మాత్రమే అనుభవించేలా ఏర్పాట్లు చేశారు.
ప్రయాణంలో శివ తత్త్వ ఉపన్యాసాలు
ప్రయాణంలో రైల్లో భక్తి కార్యక్రమాలు, శివ తత్త్వ ఉపన్యాసాలు, ఆధ్యాత్మిక సంగీతం జరగడం వల్ల ఈ యాత్ర సాధారణ ట్రావెల్ కాదు, మనసు లోపలున్న ఆత్మ శాంతిని మేల్కొలిపే దివ్య యజ్ఞం అవుతుంది. ప్రయాణంలో అందరూ కలిసి హర హర్ మహాదేవ్ నినదాలు చేస్తూ సాగిన ప్రతి క్షణం జీవితాంతం గుర్తుండే అనుభూతి.
ప్యాకేజీ వివరాలు..
ఈ ప్యాకేజ్ ధర సాధారణ భక్తుడికి కూడా అందుబాటులో ఉంటుంది. రూ.15,515 దగ్గర ప్రారంభమయ్యే ఈ యాత్రకు ఇప్పుడే బుకింగ్లు ప్రారంభమయ్యాయి. ఈ ఒక్క నిర్ణయం మనం చేసే జీవితంలో అత్యంత పవిత్ర నిర్ణయం కావచ్చు. ఎందుకంటే మహాదేవుడు పిలిస్తేనే మనం దివ్య దర్శనం చేయగలం అనేది శివభక్తుల విశ్వాసం. బహుశా ఇదే ఆ పిలుపు కావచ్చు. భక్తి, నమ్మకం, అనుభూతి కలిసి నడిచే ఈ 7 రోజుల పుణ్యయాత్రలో పాల్గొనడం ప్రతి ఒక్కరి అదృష్టంగా భావించాలి. ఆకాశాన్ని తాకే గోపురాలు, మృదంగ వాద్య నాదం, నర్మదా ఘాట్లలో దీపారతి, దేవాలయంలో ప్రతిధ్వనించే ఓంకార మంత్రం ఈ క్షణాలు మళ్లీ ఎప్పుడు లభిస్తాయో ఎవరికీ తెలియదు.
బుకింగ్స్.. సంప్రదించడం ఎలా?
ఈ మహాకాళ్–ఓంఖారేశ్వర్ దివ్య రైల్ యాత్ర గురించి మరిన్ని వివరాలు, బుకింగ్స్ సంబంధించి సమాచారం కోసం, వెంటనే ఇచ్చిన ఫోన్ నంబర్లకు కాల్ లేదా వాట్సాప్ చేయవచ్చు: 78888696843, 8595930962. అలాగే అధికారిక వెబ్సైట్ irctctourism.com ద్వారా ఆన్లైన్లో కూడా రిజిస్ట్రేషన్ పూర్తిచేసుకోవచ్చు. ప్రతి శనివారం చండీగఢ్ నుండి బయలుదేరే ఈ పవిత్ర యాత్రకు సీట్లు పరిమితంగా ఉంటాయి కాబట్టి భక్తులు ముందుగానే సంప్రదించి తమ బుకింగ్లు చేసుకోవడం మంచిది. అవకాశం వచ్చినప్పుడు అందుకోవడమే జీవితం. దైవ దర్శనానికి ఆహ్వానం వచ్చినప్పుడు వెనక్కి తిరగకూడదు. మహాకాళేశ్వర్ స్వామి, ఓంకారేశ్వర్ జ్యోతిర్లింగ దివ్య దర్శనం జీవితాన్ని మార్చేస్తుందనే నమ్మకం భక్తుల హృదయాల్లో బలంగా ఉంటుంది.
Share
Worst Eating Habits: వీటితో జాగ్రత్త.. పంటి ఎనామెల్ను నాశనం చేసే 5 అలవాట్లు !
MP Kiran Kumar: ఉపాధ్యాయుల సమస్యలపై పార్లమెంట్లో ఎంపీ చామల గళం.. వారు ఉద్యోగాలు కోల్పోయే ప్రమాదముందని..?
