Solo Trip Tips: ఒంటరిగా ట్రిప్కి వెళ్లాలని చాలామందికి ఉంటుంది. కానీ ఎక్కడికి వెళ్లాలి? ఖర్చు ఎంత అవుతుంది? ఒంటరిగా వెళ్తే సేఫ్గా ఉంటుందా? అనే సందేహాలు మాత్రం ఉంటాయి. ఎక్కువ ఖర్చు లేకుండా, చూడటానికి అద్భుతం అనిపించే ప్రదేశాలను ఎంచుకుంటే సోలో ట్రిప్ మరింత సులభంగా మారుతుంది. భారత పర్యాటక శాఖ కూడా పర్యాటకుల భద్రత కోసం పలు రాష్ట్రాల్లో టూరిస్ట్ పోలీస్ వ్యవస్థ ఉందని, 24 గంటల టూరిస్ట్ హెల్ప్లైన్ 1363 అందుబాటులో ఉందని తెలిపింది.
ప్రకృతి, నది, ప్రశాంతమైన వాతావరణం ఇష్టపడేవారికి రిషికేశ్ మంచి ఎంపిక. గంగా నది, ఆశ్రమాలు, కేఫ్లు, చిన్న ట్రెక్కింగ్ ప్రదేశాలతో ఇక్కడ ఒంటరిగా గడపడానికి బాగుంటుంది. హాస్టల్స్, బడ్జెట్ గదులు అందుబాటులో ఉండటంతో ఖర్చును కూడా అదుపులో పెట్టుకోవచ్చు. రిషికేశ్ భారత ప్రభుత్వ పర్యాటక జాబితాలో కూడా ప్రముఖ గమ్యస్థానంగా ఉంది.
చరిత్ర, కోటలు, స్థానిక ఆహారం రుచి చూడాలనుకుంటే జైపూర్ను ఎంచుకోవచ్చు. నగరంలో తిరగడానికి క్యాబ్లు, ఆటోలు, ప్రజా రవాణా వంటి సౌకర్యాలు ఉన్నాయి. ఒంటరిగా వెళ్లేవారు రద్దీగా ఉండే ప్రాంతాల్లోనే ఉండటం, రాత్రి ఆలస్యంగా తెలియని ప్రాంతాలకు వెళ్లకపోవడం మంచిది. రాజస్థాన్లో పర్యాటకుల కోసం భద్రతకు సంబంధించిన చర్యలు కూడా అమల్లో ఉన్నాయి.
Also Read: సముద్రం నుంచి చారిత్రక కట్టడాల వరకు.. హైదరాబాద్ నుంచి ట్రైన్లో వెళ్లగలిగే ప్రదేశాలు!
సముద్రం, ప్రశాంతమైన వీధులు, కేఫ్లు ఇష్టపడేవారికి పుదుచ్చేరి సరైన ఎంపిక. బీచ్ దగ్గర లేదా ప్రధాన ప్రాంతాల్లో బడ్జెట్ వసతి దొరుకుతుంది. పుదుచ్చేరిని భారత ప్రభుత్వ పర్యాటక పోర్టల్ కూడా ప్రధాన గమ్యస్థానంగా చూపిస్తోంది.
కేరళలోని వర్కల బీచ్, కొండచరియలు, ప్రశాంతమైన వాతావరణంతో ప్రత్యేకంగా ఉంటుంది. రైలు, విమాన సౌకర్యాలు కూడా దగ్గరలోనే ఉన్నాయి. బడ్జెట్ హాస్టల్స్లో ఉండి, స్థానికంగా లభించే ఆహారం తీసుకుంటే ఖర్చు తగ్గించుకోవచ్చు. ఒంటరిగా వెళ్లేవారికి పగటిపూట ప్రధాన పర్యాటక ప్రాంతాల్లో తిరగడం సౌకర్యంగా ఉంటుంది.
Also Read: విదేశీ ప్రయాణమా? ఈ ఒక్క పాలసీ ఉంటే ఎన్నో సమస్యల నుంచి రక్షణ పొందొచ్చు!
Share
థార్ కొనాలనుకుంటున్నారా? కాస్త ఆగండి.. కొత్త ఫేస్లిఫ్ట్ వచ్చేస్తోంది!
రోజుకు రూ.50 పొదుపుతో.. ఏకంగా రూ.14 లక్షల ఆదాయం.. ఏం చేయకుండానే సంపాదించొచ్చు!
