రైల్వే మన అందరిదీ అంటే ఇలా అర్థమైందా? బ్లాంకెట్లు కాజేసీ.. అమాయకంగా..

Train Passenger Stealing Blanket: భారతదేశంలో ప్రజల దైనందిన జీవితంలో ముఖ్యమైన భాగంగా నిలిచిన Indian Railways ప్రతి రోజూ లక్షలాది ప్రయాణికులకు సేవలు అందిస్తోంది. ప్రయాణాన్ని సౌకర్యవంతంగా, సురక్షితంగా మార్చేందుకు రైల్వే శాఖ అనేక సదుపాయాలను అందిస్తోంది. దీర్ఘదూర ప్రయాణాల్లో దుప్పట్లు, బెడ్‌షీట్లు వంటి సౌకర్యాలు ప్రయాణికుల విశ్రాంతికి ఎంతో ఉపకరిస్తాయి. అయితే ప్రయాణీకులకు సౌకర్యార్థం భారతీయ రైల్వేలు అందించే వస్తువులను కొందరు సొంతం చేసుకోవాలని చూడటం దురదృష్టకరం. రైలు ప్రయాణంలో రైల్వే వారు ఇచ్చిన దుప్పటిని రహస్యంగా తన బ్యాగులో సర్దుకుంటూ ఒక ప్రయాణీకుడు తోటి ప్రయాణీకులకు దొరికిపోయిన వీడియో ప్రస్తుతం సోషల్ మీడియాలో వైరల్‌గా మారింది. ఈ ఘటన భారతీయ రైల్వేలలో బెడ్డింగ్ వస్తువుల దొంగతనం ఎంతటి తీవ్రమైన సమస్యగా మారిందో మరోసారి కళ్లకు కట్టింది.

సాధారణంగా ఇలాంటి దొంగతనాలను రైల్వే సిబ్బంది గుర్తించాల్సి ఉంటుంది. కానీ ఈ వీడియోలో తోటి ప్రయాణీకులే దొంగను పట్టుకోవడం విశేషం. రైలు దిగే ముందు ఆ ప్రయాణీకుడు దుప్పటిని తన బ్యాగులో దాచుకుంటుండగా తోటి ప్ర‌యాణీకులు గ‌మ‌నించి నిలదీశారు. ప్రయాణీకులు తమ ఫోన్లలో ఈ దృశ్యాలను బంధించి, అతనిని బహిరంగంగా ప్రశ్నించారు. అలా రైల్వే అందించిన దుప్ప‌ట్ల‌ను తీసుకెళ్ల‌డం మంచిది కాద‌ని బుద్ది చెప్పారు.

భారతీయ రైల్వేలలో బెడ్‌షీట్లు, దుప్పట్లు, దిండ్లు, తువ్వాళ్లు మాయమవ్వడం అనేది ఒక సమస్యగా మారింది. ప్రతి ఏటా లక్షల రూపాయల విలువైన లినెన్ వస్తువులు దొంగతనానికి గురవుతున్నాయి. ఈ ఘటనపై స్పందిస్తున్న నెటిజన్లు రైల్వే శాఖ మరింత కఠినమైన నిబంధనలను తీసుకురావాలని కోరుతున్నారు. ప్రయాణీకులు గమ్యస్థానం చేరుకోవడానికి ముందే సిబ్బంది బెడ్డింగ్ వస్తువులను సేకరించేలా మాండేటరీ లినెన్ కలెక్షన్ (Mandatory Linen Collection) విధానాన్ని పటిష్టం చేయాలని సూచిస్తున్నారు. అయితే తోటి ప్ర‌యాణీకుల చ‌ర్య‌ కేవలం రైల్వే ఆస్తిని కాపాడటమే కాకుండా, సామాజిక బాధ్యతను కూడా గుర్తు చేసింది.

ప్రభుత్వ ఆస్తులను తమ సొంత ఆస్తులుగా భావించి రక్షించాల్సిన బాధ్యత ప్రతి పౌరుడిపై ఉందని నెటిజ‌న్లు కామెంట్లు చేస్తున్నారు. ఆపరేషనల్ మెరుగుదల ద్వారా ఇటువంటి సంఘటనలను అరికట్టవచ్చని, ప్రతి కోచ్‌లోనూ బెడ్డింగ్ వస్తువుల సంఖ్యను ప్రయాణానికి ముందే, తర్వాత సరిచూసుకునే డిజిటల్ వ్యవస్థను తీసుకురావాలని అభిప్రాయపడుతున్నారు. అప్పుడే రైల్వే ఆస్తుల దుర్వినియోగాన్ని అడ్డుకోవడం సాధ్యమవుతుందని చెబుతున్నారు.

A man traveled comfortably on a train and then…

The journey ended, and the blanket was provided by railway to cover himself during the journey, which he thought, "This is mine, now."

And then… he secretly stuffed it in his bag, but luck was not on his side,
People noticed… pic.twitter.com/6EXyyydSGd

— KV Iyyer – BHARAT 🇮🇳🇮🇱 (@BanCheneProduct) April 8, 2026

Share

• 
• 
• 
• 
• 
•