Viral Video: పాన్ దోశ అంట ఎప్పుడైనా తిన్నారా.. చూడండి ఎలా తయారు చేశాడో

Viral Video: దోశలు అంటే ఇష్టం లేని వారెవరు ఉండరు. టిఫిన్లలో ఎక్కువగా ఏది ఇష్టం అంటే ముందుగా దోశ పేరే చెబుతారు. అంత ఇష్టం అండీ మరి. దోశలో చాలా రకాల దోశలు ఉంటాయి. ఉల్లి దోశ, కారం దోశ, మసాలా దోశ, టోపీ దోశ, పనీర్ దోశ, చీజ్ దోశ, అబ్బో చెప్పడానికి కూడా చాలా తక్కువే అనిపిస్తుంది. తరచూ ఏదో ఒక కొత్త రకం దోశ పుట్టుకొస్తునే ఉంటుంది. ఇలా దోశ ప్రియులకు రకరకాల దోశలు తినాలనే కుతూహలం కూడా ఉంటుంది. అయితే తాజాగా ఓ వ్యక్తి కొత్త రకం దోశను తయారుచేశాడు.

వైరల్ అవుతున్న వీడియోలో ఓ టిఫిన్ సెంటర్లో వ్యక్తి దోశను తయారుచేశాడు. అది కూడా పాన్ దోశ అని అన్నాడు. పాన్ లో వాడే పదార్థాలను దోశపై వేస్తూ ఈ దోశను తయారు చేసిన వీడియో నెట్టింట హల్ చల్ చేస్తుంది. అయితే ఆ వ్యక్తి ముందుగా దోశ పిండిని పెనంపై వేసి దోశను పరిచాడు. ఆ పిండి చూడడానికి ఆకుపచ్చ రంగులో ఉంది. అనంతరం పెనంపై కాలుతున్న దోశపై వివిధ రకాల పదార్థాలను వేశాడు. అందులో చెర్రీలు, ఎండు ద్రాక్ష, డ్రైఫ్రూట్స్, ఖూర్బానీ వంటి రకరకాల పండ్లకు సంబంధించినవి ఉన్నాయి.

ఈ తరుణంలో పెనంపై కాలుతున్న దోశపై పదార్థాలను వేసి బాగా కలిపి దోశను తయారు చేశాడు. అనంతరం దోశను ఓ ప్లేట్లో వేసి సర్వ్ చేశాడు. దోశను నంచుకోవడానికి చీజ్, పాన్ సిరప్ కూడా అందులో వేశాడు. దీనిని ఓ కస్టమర్లకు సర్వ్ చేశాడు. దీంతో పాన్ దోశ వీడియో ప్రస్తుతం సోషల్ మీడియాలో వైరల్ అవుతోంది. దీనిని చూసిన నెటిజన్లు దోశను ఇష్టంగా తినే వారు కూడా దీనిని చూస్తే ఇంకోసారి తినలేరు అంటూ కామెంట్స్ చేస్తున్నారు. ఇక మరొ నెటిజన్ కామెంట్ చేస్తూ ఇంకా మరెన్ని రకాల దోశలు పుట్టుకొస్తాయో, ఇంకా ఎన్ని వింతలు చూడాల్సి వస్తుందో అంటూ ఆవేదన వ్యక్తం చేస్తున్నారు.