Amaravati: ఆంధ్రుల కలల రాజధాని అమరావతి నిర్మాణ పనులు జోరుగా సాగుతున్నాయి. వర్షాలు వచ్చినా పనులకు ఎలాంటి ఆటంకం లేకుండా జరుగుతున్నాయి. ఈనెల 13న అమరావతిలో ప్రారంభోత్సవాలు జరగనున్నాయి. అందులో ప్రజాప్రతినిధుల నివాసాలు, సీడ్ యాక్సెస్ రోడ్డు ఉన్నట్లు తెలుస్తోంది.
రాజధాని అమరావతిలో భవనాలు, రోడ్ల నిర్మాణం జోరుగా సాగుతోంది. పూర్తయిన వాటిని అప్పగించాలని ఆలోచన చేసింది ప్రభుత్వం. అత్యాధునిక వసతులతో, గ్రీన్ బిల్డింగ్ ప్రమాణాలతో నిర్మించిన ఎమ్మెల్యే-ఎమ్మెల్సీల నివాసాలను సాధారణ పరిపాలనా శాఖకు అప్పగించనున్నారు అప్పగించనున్నారు. దీనికి ఆగష్టు 13న ముహూర్తం పెట్టుకున్నట్లు మంత్రులు తెలిపారు.
ఐకానిక్ టవర్స్, మంత్రుల బంగ్లాలు, ఎమ్మెల్యే, ఎమ్మెల్సీ క్వార్టర్స్ను మంత్రులు దగ్గర ఉండి పరిశీలించారు. మిగతా వాటి పనులు జరుగుతున్న తీరును తోటి మంత్రులకు వివరించారు మున్సిపల్ మంత్రి నారాయణ. అమరావతికి జీవనాడి సీడ్ యాక్సెస్ రోడ్డు. దీని నిర్మాణ పనులు చివరి దశకు చేరుకున్నాయి.
ఈ నెల 13న సీఎం చేతుల మీదుగా దాన్ని ప్రారంభించేందుకు CRDA అధికారులు సర్వం సిద్ధం చేశారు. జాతీయ రహదారులతో సచివాలయం, అసెంబ్లీ, హైకోర్టులను అనుసంధానించే సీడ్ యాక్సెస్ రోడ్డు అందుబాటులోకి రానుంది. దీంతో విజయవాడ-గుంటూరు ప్రాంతాల నుంచి అమరావతికి రాకపోకలు మరింత సులభతరం కానున్నాయి.
విజయవాడ నుంచి అమరావతికి వచ్చే మార్గంలో ఉండవల్లి వద్ద స్టీలు బ్రిడ్జిల నిర్మాణం జరుగుతోంది. ఇది పూర్తయితే ప్రకాశం బ్యారేజీ మీదుగా అమరావతికి చేరుకోవచ్చు. అప్రోచ్ రోడ్లకు ఇరువైపులా మొక్కలతో పార్క్ ఏర్పాటు చేస్తున్నారు అధికారులు. రోడ్డుకు పొడవునా వాకింగ్, సైక్లింగ్ ట్రాక్ల నిర్మిస్తున్నారు.
కరకట్ట నుంచి ప్రయాణించే వారంతా మరో 10 రోజుల్లో సీడ్ యాక్సిస్ రోడ్డుపై మీదుగా నేరుగా అమరావతికి చేరుకోవచ్చు. ఉండవల్లిలోని బకింగ్హామ్ కాలువపై స్టీల్ బ్రిడ్జి నిర్మాణం పూర్తి అయ్యింది. దీన్ని సీడ్ యాక్సిస్ రోడ్డుకు లింక్ చేసే అప్రోచ్ రోడ్ల పనులు చివరి దశలో ఉన్నాయి. వీటిని సీఎం ప్రారంభించే అవకాశాలున్నాయి.
ప్రజారాజధాని అమరావతిలో ప్రారంభానికి సిద్ధమైన ఎమ్మెల్యే & ఎమ్మెల్సీల నివాస సముదాయాల టవర్లు!#Amaravati #PrajaRajadhani #PeoplesCapital #CapitalCityProjects #UrbanInfrastructure #APCRDA #AndhraPradesh #MLAMLCTowers #AGC #AmaravatiGovernmentComplex #AmaravatiRising… pic.twitter.com/9ix51kfQgL
— Amaravati-The Peoples Capital (@PrajaRajadhani) July 31, 2026
Share
జగన్ పర్యటనలో ప్రమాదం..
ఆట సందీప్ కి కూడా తప్పని క్యాస్టింగ్ కౌచ్ తిప్పలు.. కార్పొరేట్ స్టైల్లో మెసేజ్!
