పవిత్రమైన గోవింద నామాలపై పేరడీలా?.. పవన్ కళ్యాణ్ తీవ్ర ఆగ్రహం!

Pawan Kalyan: తిరుమల వేంకటేశ్వర స్వామి నామాలను రాజకీయ విమర్శలకు వాడుకోవడంపై జనసేన అధినేత పవన్ కళ్యాణ్ తీవ్ర ఆగ్రహం వ్యక్తం చేశారు. భక్తి గీతాలను పొలిటికల్ అవసరాలకు పేరడీగా పాడుతూ అపహాస్యం చేయడాన్ని తప్పుబట్టారు. నెల్లూరులో వైసీపీ ఎమ్మెల్సీ పాల్గొన్న నిరసనల కార్యక్రమంలో ఈ తరహా ఘటన చోటు చేసుకోవడంపై విచారణకు ఆదేశించారు.

చట్టపరమైన చర్యలకు ఆదేశం

గోవింద నామాలను పేరడీగా వాడటంపై డిప్యూటీ సీఎం వ్యాఖ్యలను జనసేన పార్టీ ఎక్స్ లో పోస్ట్ పెట్టింది. భక్తుల మనోభావాలను దెబ్బతీసే చర్యగా దీనిని పవన్ అభివర్ణించారు. దైవ నామాలు, మంత్రాలు, స్తోత్రాలు, భక్తి గీతాలను అపహాస్యం కోసం ఉపయోగించవద్దని రాజకీయ నేతలకు సూచించారు. ఈ ఘటనపై చట్టపరంగా ముందుకు వెళ్లాలని పార్టీ నేతలకు దిశానిర్దేశం చేశారు. ధార్మిక విశ్వాసాలను ప్రతీ ఒక్కరూ గౌరవించాలని.. మతపరమైన విద్వేషాలకు తావివ్వకూడదని ఈ సందర్భంగా పవన్ పిలుపునిచ్చారు.

దైవాన్ని కొలిచే మంత్రాలు, నామాలను అపహాస్యం చేయడం ఆపండి

తిరుమల శ్రీ వేంకటేశ్వర స్వామి వారిని భక్తితో కొలుస్తూ ఆలపించే పవిత్ర దైవ నామాలను, భక్తి గీతాలను రాజకీయ అవసరాల కోసం పేరడీలుగా పాడుతూ అపహాస్యం చేయడాన్ని రాష్ట్ర ఉప ముఖ్యమంత్రి, జనసేన పార్టీ అధ్యక్షులు శ్రీ @PawanKalyan గారు…

— JanaSena Party (@JanaSenaParty) August 10, 2026

Also Read: ఫార్చ్యూన్ ఇండియా కవర్ పేజీపై లోకేశ్ ఫొటో.. రూ.కోటి ఖర్చు చేశారా? ఫ్యాక్ట్ చెక్‌లో తేలిందిదే!

అసలేం జరిగిందంటే?

నెల్లూరులోని వీఆర్ఎసీ సెంటర్ లో వైసీపీ ఎమ్మెల్సీ పర్వతరెడ్డి చంద్రశేఖర్ రెడ్డి పాల్గొన్న నిరసనల కార్యక్రమంలో ఈ అభ్యంతరకర ఘటన చోటుచేసుకుంది. కూటమి ప్రభుత్వాన్ని విమర్శించేందుకు గోవింద నామాలను వైసీపీ కార్యకర్తలు ఉపయోగించారు. ఇందుకు సంబంధించి దృశ్యాలు సోషల్ మీడియాలో వైరల్ గా మారడంతో దీనిపై హిందూ సంఘాలు, నెటిజన్ల నుంచి విమర్శలు వ్యక్తమవుతున్నాయి. ఇతర మతస్తులు పాల్గొన్న రాజకీయ వేదికపై వేంకటేశ్వర స్వామి నామాలను రాజకీయ నినాదంగా మార్చడం ఏంటని ప్రశ్నిస్తున్నారు.

If we say YSRCP is anti-Hindu, its supporters will troll us.

Check this out, what is that they are doing? Demeaning our Govinda Namalu that too using Muslims wearing skull caps. 😡😡

Will they dare to sing demeaning songs on Sesus or Ola?

Hindu organisations should take this… pic.twitter.com/DeidQS21K7

— Tathvam-asi (@tathvamasi6) August 9, 2026