Tata Motors Summer Service Camp 2026: దిగ్గజ ఆటో మోబైల్ కంపెనీ టాటా మోటార్స్ వినియోగదారులకు గుడ్ న్యూస్ చెప్పింది. తన ప్యాసింజర్ వాహనాల యజమానుల కోసం స్పెషల్ సమ్మర్ సర్వీస్ క్యాంప్ ను ప్రారంభించినట్లు ప్రకటించింది. వేసవిలో పెరుగుతున్న ఉష్ణోగ్రతలను దృష్టిలో పెట్టుకుని వాహనాలు సురక్షితంగా, సమస్యలు లేకుండా నడవాలని లక్ష్యంగా ఈ కార్యక్రమాన్ని ప్రారంభించింది. ఈ క్యాంప్ ఏప్రిల్ 28 వరకు దేశ వ్యాప్తంగా ఉన్న ఆథరైజ్డ్ వర్క్ షాప్ లలో కొనసాగుతుంది.
ఈ సర్వీస్ క్యాంప్లో ముఖ్యంగా 30 పాయింట్ల ఫ్రీ చెకింగ్ ఉంటుంది. ఇందులో కారులోని కీలక భాగాలను నిపుణులు జాగ్రత్తగా పరిశీలిస్తారు. ముఖ్యంగా ఎయిర్ కండిషనింగ్ సిస్టమ్, బ్యాటరీ స్టేటస్, టైర్ అలైన్ మెంట్, ఇంజిన్ ఆయిల్, కూలెంట్ స్థాయిలు, ఎలక్ట్రికల్ భాగాలు, CNG వాహనాల కోసం ప్రత్యేక భాగాలు, ఎలక్ట్రిక్ వాహనాల డయాగ్నోస్టిక్స్ కూడా చెక్ చేస్తారు. వేసవిలో అధిక ఉష్ణోగ్రతలు వాహనంలోని కూలింగ్ సిస్టమ్, ఫ్లూయిడ్స్ పై ఎక్కువ ఒత్తిడిని కలిగిస్తాయి. ఈ కారణంగా ముందుగానే సమస్యలను గుర్తించడం చాలా అవసరం. ఈ క్యాంప్ ద్వారా వాహనంలో ఉండే చిన్న చిన్న లోపాలను ముందే గుర్తించి, పెద్ద సమస్యలు రాకుండా నివారిస్తారు. దీనివల్ల ప్రయాణంలో మధ్యలో బ్రేక్ డౌన్లను కూడా తగ్గించవచ్చు.
ఈ సర్వీస్ క్యాంప్ టాటా యొక్క అన్ని రకాల వాహనాలను కవర్ చేస్తుంది. పెట్రోల్, డీజిల్ ఇంజిన్ కార్లు, CNG వేరియంట్లు, అలాగే ఎలక్ట్రిక్ వాహనాలూ ఇందులో ఉంటాయి. నెక్సాన్, పంచ్, టియాగో, ఆల్ట్రోజ్, హ్యారియర్, సఫారీ లాంటి కార్లల యజమానులు ఈ అవకాశాన్ని వినియోగించుకోవచ్చని వెల్లడించింది.
ఈ క్యాంప్లో కొన్ని ప్రత్యేక ఆఫర్లు కూడా అందిస్తున్నారు. ఎక్స్ టెండెడ్ వారెంటీలపై 10 శాతం తగ్గింపు, స్పేర్ పార్ట్స్, లూబ్రికెంట్లు, ఇతర సర్వీసులపై 10 శాతం వరకు డిస్కౌంట్ ఉంటుంది. అలాగే టాటా మోటార్స్ జెన్యూన్ యాక్సెసరీస్ పై 15 శాతం తగ్గింపు లభిస్తుంది. అదనంగా, ఎక్స్టెండెడ్ వారెంటీ, యాన్యువల్ మెయింటెనెన్స్ కాంట్రాక్ట్ కోసం EMI సదుపాయాలు కూడా అందుబాటులో ఉన్నాయి. వేసవిలో త్వరగా పాడయ్యే బెల్టులు, హోసులు, ఫిల్టర్లు లాంటి భాగాలను సకాలంలో మార్చుకోవడానికి ఈ ఆఫర్లు ఉపయోగపడతాయి. ఈ విధంగా వాహనాన్ని సకాలంలో మెయింటైన్ చేసుకోవడం ద్వారా దీర్ఘకాలంలో ఖర్చులను తగ్గించుకోవచ్చు. ఈ క్యాంప్కు భారీ స్పందన వచ్చే అవకాశం ఉండటంతో, వాహన యజమానులు ముందుగానే అపాయింట్మెంట్ బుక్ చేసుకోవాలని కంపెనీ సూచించింది.
Read Also: విన్ఫాస్ట్ VF MPV 7 vs మహీంద్రా XEV 9S.. ధర, ఫీచర్లు, రేంజ్ లో ఏది టాప్?
Share
ప్రకాష్ రాజ్ పై పరువు నష్టం దావా!
నాని డైరెక్టర్ తో విజయ్ దేవరకొండ కొత్త సినిమా.. అఫీషియల్ అనౌన్స్మెంట్!
