Bojjala Sudheer Reddy: బొజ్జల ఫ్యూచర్ ఏంటి.. చంద్రబాబు ఏం చేయబోతున్నాడు?

Bojjala Sudheer Reddy: శ్రీకాళహస్తి ఎమ్మెల్యే బొజ్జల సుధీర్‌ రెడ్డి ఇప్పుడు చిక్కుల్లో పడ్డట్టు కనిపిస్తోంది. వినుత కోట డ్రైవర్ రాయుడు స్టేట్‌మెంట్‌ ఇప్పుడు కొత్త డౌట్స్‌ను తెరపైకి తెచ్చింది. అంతేకాదు.. ఇప్పుడు హత్యకు సంబంధించి కూడా కొత్త అనుమానాలను తెరపైకి తీసుకొచ్చింది ఈ వీడయో. కోట వినుత ప్రైవేటు వీడియోలు తీయాలంటూ బొజ్జల తనపై ఒత్తిడి తెచ్చారన్నారు రాయుడు. వినుత ప్రైవేటు వీడియోలను తీసి ఇస్తే.. తనకు రూ.30 లక్షలు ఇస్తానని బొజ్జల చెప్పారన్నారు రాయుడు.

ఇప్పుడు బయటికి వచ్చిన వీడియో హత్యకు ముందు తీసినట్టు కనిపిస్తోంది. బొజ్జల చెప్పినందుకే రెండుసార్లు రోడ్డు ప్రమాదంలో వినుత దంపతులను చంపడానికి చూశానని.. 2023 నవంబర్‌లో తనకు అడ్వాన్స్‌గా 2 లక్షలు ఇచ్చారన్నాడు రాయుడు. ఎన్నికల తర్వాత మరో 20 లక్షలు ఇచ్చారని వివరించారు. ప్రైవేటు వీడియోలు తీయడం తనవల్ల కాదంటే.. బొజ్జల బెదిరించారని చెప్పాడు రాయుడు. వీడియోలు ఇస్తే 60 లక్షలు ఇస్తామంటూ ఆఫర్ చేశారన్నాడు. సోఫాలో వినుత పడుకుని ఉండగా వీడియో తీస్తూ దొరికిపోయానన్నాడు.

జులై 7న రాయుడు హత్యకు గురయ్యాడు. ఈ హత్య చేశారన్న ఆరోపణలతో కోట వినుత, ఆమె భర్త చంద్రబాబును పోలీసులు అరెస్ట్ చేశారు. ప్రస్తుతం వారు బెయిల్‌పై ఉన్నారు. ఈ వీడియో బయటికి రావడంతో కోట వినుత కూడా స్పందించారు. తమకు ఈ హత్యతో సంబంధం లేదంటూ ఓ వీడియోను రిలీజ్ చేశారు.

ఇప్పుడివన్నీ చూసిన తర్వాత వెళ్లన్ని బొజ్జలవైపే చూపిస్తున్నట్టు కనిపిస్తోంది వ్యవహారం. రాయుడు చెప్పినట్టు వినుత హత్యకు బొజ్జల సుధీర్‌రెడ్డి కుట్ర పన్నాడా..? వినుత డ్రైవర్‌ రాయుడికి ఎందుకు డబ్బులు ఇచ్చారు..? ఓ మహిళ ప్రైవేటు వీడియోలు తీసి ఇమ్మనడం ఏంటి..? ఆ ప్రైవేటు వీడియోలతో బొజ్జల ఏం చేయాలనుకున్నారు..? ఈ ప్రశ్నలు ఉత్కంఠ రేపుతున్నాయి.

ఈ వ్యవహారంలో తన ప్రమేయం లేదని.. ఈ విషయంలో జిల్లా ఎస్పీకి ఫిర్యాదు చేస్తానన్నారు సుధీర్‌రెడ్డి. డ్రైవర్ వీడియో నమ్మేలా లేదని… చంపడానికి ముందు బెదిరించి రికార్డు చేసి ఉంటారని అనుమానం వ్యక్తం చేశారు. ఈ ఎపిసోడ్ పై పార్టీ అధిష్టానానికి వివరిస్తానన్నారు.

Join WhatsApp Channel

Share

• 
• 
• 
• 
• 
•