Fake Calls SMS| మీ స్మార్ట్‌ఫోన్‌లో నకిలీ కాల్స్, మెసేజ్‌లను గుర్తించడం, రిపోర్ట్ చేయడం ఇప్పుడు చాలా సులభం. భారత ప్రభుత్వం ఈ పని కోసం సంచార్ సాథీ పోర్టల్, యాప్‌ను ప్రారంభించింది. అనుమానాస్పద కాల్స్ వస్తే సంచార్ సాథీ యాప్‌లోని చక్షు సెక్షన్ ద్వారా రిపోర్ట్ చేయవచ్చు. రిపోర్ట్ చేసిన తర్వాత, ఆ కాల్ లేదా మెసేజ్ వచ్చిన నంబర్‌ను బ్లాక్ చేస్తారు. ఈ సాధనం సైబర్ మోసాల నుండి మిమ్మల్ని రక్షిస్తుంది.
ప్రభుత్వం బ్యాంకింగ్, ఇన్సూరెన్స్, ఫైనాన్షియల్ సర్వీసెస్ కోసం కొత్త 160 నంబర్ సిరీస్‌ను పరిచయం చేసింది. మీకు బ్యాంకింగ్ లేదా ఫైనాన్షియల్ సర్వీసెస్ అని చెప్పే కాల్ వస్తే, ఆ కాల్ వచ్చిన నంబర్ 160తో ప్రారంభం కావాలి. అలా లేకపోతే అది నకిలీ అయ్యే అవకాశం ఎక్కువ. ఈ 160 సిరీస్ లేని కాల్స్‌ను మీరు అనుమానించాలి. ఇలాంటి కాల్స్‌ను వెంటనే సంచార్ సాథీలో రిపోర్ట్ చేయడం బెస్ట్.
మీ ఫోన్ కు వచ్చే కాల్స్, మెసేజ్‌లు ఫేక్ లేదా రియల్ అనే తెలుసుకోవడానికి మీరు సెండర్ కోడ్‌లను శ్రద్ధగా చూడాలి. ఈ కోడ్‌లను తెలుసుకోవడం మోసాల నుండి రక్షణ కల్పిస్తుంది. నిజమైన మెసేజ్ సెండర్ ఐడీ -S, -G, లేదా -Pతో ముగుస్తుంది. ఈ కోడ్‌లు ఉన్న మెసేజ్‌లు సురక్షితమైనవి. ఇతర, తెలియని నంబర్ల నుండి వచ్చే మెసేజ్‌లను నకిలీగా భావించాలి. ఈ మెసేజ్‌లలో తరచూ ఫ్రాడ్ యాప్‌లకు లింక్‌లు ఉంటాయి. ఆ లింక్‌లపై క్లిక్ చేస్తే మీ ఫోన్ హ్యాక్ కావచ్చు. మీ వ్యక్తిగత సమాచారం దొంగిలించబడి, మోసాలకు ఉపయోగపడవచ్చు.
S (సర్వీస్): బ్యాంకింగ్ సర్వీసెస్, ట్రాన్సాక్షన్‌లు, లేదా మీరు సబ్‌స్క్రైబ్ చేసిన టెలికాం సర్వీసెస్‌కు సంబంధించిన మెసేజ్‌లు. ఇవి మీరు సంబంధించిన సమాచారాన్ని అందిస్తాయి.
G (గవర్నమెంట్): ప్రభుత్వ పథకాలు లేదా అధికారిక అలర్ట్‌లకు సంబంధించిన మెసేజ్‌లు. ఇవి ప్రభుత్వం నుండి వస్తాయి.
P (ప్రమోషన్): డిపార్ట్‌మెంట్ ఆఫ్ టెలికమ్యూనికేషన్స్ ద్వారా వైట్‌లిస్ట్ చేయబడిన కంపెనీల ప్రమోషనల్ మెసేజ్‌లు. ఇవి నమ్మదగినవి.
ఫేక్ మెసేజ్‌లు తరచూ బ్యాంకులు, ఈ-కామర్స్ కంపెనీలు, టెలికాం ఆపరేటర్లు లేదా ప్రభుత్వ సంస్థల నుండి వచ్చినట్లు కనిపిస్తాయి. ఈ మెసేజ్‌లలో లింక్‌లు ఉండవచ్చు, వాటిని క్లిక్ చేయడం వల్ల నీ ఫోన్‌లో మాల్వేర్ ఇన్‌స్టాల్ కావచ్చు. ఇది మీ బ్యాంక్ వివరాలు, పాస్‌వర్డ్‌లను దొంగిలించవచ్చు. అందుకే, తెలియని లింక్‌లను క్లిక్ చేయకు. అనుమానాస్పద మెసేజ్‌లను సంచార్ సాథీలో రిపోర్ట్ చేయి.
సంచార్ సాథీ పోర్టల్ లేదా యాప్‌లో చక్షు సెక్షన్‌కు వెళ్లు. అక్కడ నకిలీ కాల్ లేదా మెసేజ్ నంబర్‌ను రిపోర్ట్ చేయి. రిపోర్ట్ చేసిన తర్వాత, ఆ నంబర్‌ను బ్లాక్ చేస్తారు. ఇది మోసగాళ్లను మీ ఫోన్ నుండి దూరంగా ఉంచుతుంది.
ఈ సర్వీస్ ఉచితం, ఉపయోగించడం సులభం.
సైబర్ క్రిమినల్స్ మీ వ్యక్తిగత సమాచారాన్ని దొంగిలించడానికి ఫేక్ కాల్స్, మెసేజ్‌లను ఉపయోగిస్తారు. మోసగాళ్లు మీ బ్యాంక్ ఖాతాలను దోచుకోవచ్చు. లేదా మీ గుర్తింపును దుర్వినియోగం చేయవచ్చు. సంచార్ సాథీ యాప్, 160 సిరీస్, సెండర్ కోడ్‌లు మీకు రక్షణ కవచంలా పనిచేస్తాయి. అనుమానాస్పద కాల్స్, మెసేజ్‌లను వెంటనే రిపోర్ట్ చేయండి.., మీ వ్యక్తిగత డేటాను కాపాడుకోండి.
Also Read: మీ కంప్యూటర్ మౌస్ మీ రహస్యాలను వింటోంది.. కొత్త అధ్యయనంలో షాకింగ్ విషయాలు
Share
Heart Attack: చిన్న వయసులోనే గుండెపోటు.. కారణం స్కూల్ బ్యాగ్ ఒత్తిడేనా?
MLA Anirudh Reddy: అనిరుధ్ రెడ్డికి భయం పట్టుకుందా?
