Bigg Boss Telugu 9 Winner: బిగ్ బాస్ 9 విన్నర్ ఎవరో చెప్పేసిన నికిల్…తనూజ మాత్రం కాదు?

Bigg Boss telugu 9 winner: బుల్లితెరపై ప్రసారమవుతున్న అతిపెద్ద రియాలిటీ షో బిగ్ బాస్ (Bigg Boss)కార్యక్రమానికి ఎంతో మంచి ఆదరణ ఉంది ఈ కార్యక్రమం ఒక తెలుగులో మాత్రమే కాకుండా ఇతర భాషలలో కూడా ప్రసారమవుతున్న సంగతి తెలిసిందే. తెలుగులో ఈ కార్యక్రమం ఇప్పటికే 8 సీజన్లను విజయవంతంగా పూర్తి చేసుకుంది. త్వరలోనే తొమ్మిదవ సీజన్ కూడా ఫినాలే జరుపుకోబోతోంది. ఈ ఆదివారం సాయంత్రం బిగ్ బాస్ 9 ఫినాలే ఎంతో ఘనంగా జరగబోతున్న నేపథ్యంలో విన్నర్ ఎవరనే విషయంపై ఎంతో ఆసక్తి నెలకొంది.

బిగ్ బాస్ 8 విన్నర్ నిఖిల్….

ఈ క్రమంలోనే సోషల్ మీడియా వేదికగా బిగ్ బాస్ సీజన్ 9 విన్నర్ ఎవరు అనే విషయంపై ఎన్నో చర్చలు జరుగుతున్నాయి. ఇక తనూజ కచ్చితంగా విన్నర్ అవుతుందని చాలామంది భావిస్తున్నారు. అలాగే కళ్యాణ్ కూడా ట్రోఫీ అందుకోబోతున్నారు అంటూ పలువురు వారి అభిప్రాయాలు తెలియజేస్తున్నారు. ఇలాంటి తరుణంలోనే బిగ్ బాస్ సీజన్ 8 విన్నర్ నిఖిల్ (Nikhil)బిగ్ బాస్ సీజన్ 9 విన్నర్ గురించి మాట్లాడుతూ చేసిన వ్యాఖ్యలు ప్రస్తుతం వైరల్ అవుతున్నాయి. ఈ సందర్భంగా నిఖిల్ బిగ్ బాస్ 9 విన్నర్ గురించి మాట్లాడుతూ ఈ సీజన్ విన్నర్ ఇమ్మానుయేల్ (Emmanuel)లేదా కళ్యాణ్ పడాల(Kalyan Padala) ఇద్దరిలో ఎవరో ఒకరు విన్నర్ గా నిలుస్తారని ఈయన తెలియజేశారు.

విజేతగా కళ్యాణ్ పడాల?

బిగ్ బాస్ సీజన్ 9 ప్రారంభమైనప్పటి నుంచి తనూజ విన్నర్ గా నిలుస్తుంది అంటూ అందరూ భావించారు కానీ కళ్యాణ్ మాత్రం తనుజ విన్నర్ కాదని ఈ సందర్భంగా చెప్పకనే చెప్పేశారు. ఇక కళ్యాణ్ కామన్ మ్యాన్ క్యాటగిరిలో భాగంగా బిగ్ బాస్ అవకాశాన్ని అందుకున్న సంగతి తెలిసిందే . ఇలా కామన్ మాన్ గా హౌస్ లోకి ఎంట్రీ ఇచ్చిన కళ్యాణ్ మొదటి నుంచి కూడా ఓటింగ్ లో టాప్ లో దూసుకుపోతూ ఉన్నారు.. ఇక కళ్యాణ్ విన్నర్ అయ్యే అవకాశాలు కూడా ఎక్కువగానే ఉన్నాయని తెలుస్తోంది. మరి మాజీ బిగ్ బాస్ విన్నర్ నిఖిల్ చెప్పిన విధంగానే కళ్యాణ్ కప్పు అందుకుంటారా లేదా అనేది తెలియాల్సి ఉంది.

S8 winner #Nikhil wishing #KalyanPadala winning the Trophy 🏆
VOTE FOR KALYAN PADALA#BiggBossTelugu9 #KalyanPadala𓃵
👉#VoteForKalyan👈 pic.twitter.com/tqeSjIUFbL

— 𝕄𝕦𝕣𝕒𝕝𝕚_𝔹igg𝔹oss_𝔽𝕒𝕟 (@MURALI6655) December 18, 2025

ఇక ప్రస్తుతం బిగ్ బాస్ కార్యక్రమం 15వ వారం కొనసాగుతున్న సంగతి తెలిసిందే. 14వ వారంలో భాగంగా సుమన్ శెట్టితో పాటు నటుడు భరణి కూడా ఎలిమినేట్ అయ్యారు.. మరొక రెండు రోజులలో ఈ కార్యక్రమం పూర్తి కానుంది. టాప్ ఫైవ్ కంటెస్టెంట్లుగా ఇమ్మానుయేల్, పవన్, కళ్యాణ్, సంజన, తనూజ ఉన్న సంగతి తెలిసిందే.. మరి ఈ ఐదుగురిలో కప్పు ఎవరి సొంతం అవుతుందో తెలియాల్సి ఉంది. ఈ సీజన్ విన్నర్ కు 50 లక్షల రూపాయల ప్రైజ్ మనీ ఇవ్వబోతున్నట్లు నాగార్జున ప్రకటించిన సంగతి తెలిసిందే. ఇక ఆదివారం ఈ కార్యక్రమం గ్రాండ్ ఫినాలే ఎంతో ఘనంగా జరగబోతోంది. మరి బిగ్ బాస్ 7 లాగే ఈ సీజన్లో కూడా కామన్ మ్యాన్ విజేతగా నిలుస్తారా లేదా అనేది తెలియాల్సి ఉంది.