Tobacco Seized: కర్ణాటకలో అక్రమ రవాణాదారుల ఆగడాలు పరాకాష్టకు చేరాయి. ప్రాణాలకు రక్షణగా నిలవాల్సిన పోలీసులపైనే దాడులకు తెగబడుతున్న ఉదంతం ఇప్పుడు దేశవ్యాప్తంగా సంచలనం సృష్టిస్తోంది. 390 కిలోల నిషేధిత పొగాకు ఉత్పత్తులను కారులో అక్రమంగా తరలిస్తున్న ఒక వ్యక్తి, తనను ఆపేందుకు ప్రయత్నించిన కానిస్టేబుల్ను కిలోమీటరు దూరం ఈడ్చుకెళ్లిన ఘటన కలకలం రేపింది.
కర్ణాటకలోని ఒక చెక్పోస్ట్ వద్ద పోలీసులు తనిఖీలు నిర్వహిస్తుండగా.. అనుమానాస్పదంగా వస్తున్న ఒక కారును ఆపాలని కానిస్టేబుల్ సంకేతాలిచ్చారు. అయితే, కారు ఆపాల్సింది పోయి, నిందితుడు వేగంగా కానిస్టేబుల్ వైపు దూసుకువచ్చాడు. తప్పించుకునే క్రమంలో కానిస్టేబుల్ కారు బోనెట్పై పడగా.. నిందితుడు వాహనాన్ని ఆపకుండా అలాగే వేగంగా పోనిచ్చాడు.
కారు వేగంగా వెళ్తున్నా, పట్టు కోల్పోతే ప్రాణాలు పోతాయని గ్రహించిన కానిస్టేబుల్ బోనెట్ను గట్టిగా పట్టుకుని వేలాడారు. దాదాపు కిలోమీటరు దూరం వరకు కానిస్టేబుల్ ఆ స్థితిలో ఉండటం స్థానిక సిసిటివి కెమెరాల్లో రికార్డయ్యింది. వెంటనే అప్రమత్తమైన ఇతర పోలీసులు కారును వెంబడించి, నిందితుడిని చుట్టుముట్టి పట్టుకున్నారు.
కారును తనిఖీ చేయగా అందులో సుమారు 390 కిలోల నిషేధిత పొగాకు బయటపడింది. పోలీసులు నిందితుడిపై హత్యాయత్నం, అక్రమ రవాణా, ప్రభుత్వ అధికారి విధులకు ఆటంకం కలిగించినందుకు పలు సెక్షన్ల కింద కేసులు నమోదు చేశారు. ప్రాణాలకు తెగించి నిందితుడిని పట్టించిన కానిస్టేబుల్ ధైర్యసాహసాలను ఉన్నతాధికారులు అభినందించారు.
Also Read: ఫలక్నుమా ఫర్నీచర్ షాప్లో భారీ అగ్నిప్రమాదం.. కోట్ల ఆస్తి బుగ్గి
390 కిలోల గంజాయి.. పోలీసుని కారుతో ఢీ కొట్టి
కర్ణాటకలో ఒక షాకింగ్ ఘటన వెలుగుచూసింది. సుమారు 390 కిలోల నిషేధిత పొగాకును తరలిస్తున్న ఓ వ్యక్తి, తనను ఆపేందుకు ప్రయత్నించిన పోలీస్ కానిస్టేబుల్ను కారు బోనెట్పై దాదాపు కిలోమీటరు దూరం ఈడ్చుకువెళ్లాడు. ఈ భయానక దృశ్యాలు సిసిటివి… pic.twitter.com/w82pKNdIem
— ChotaNews App (@ChotaNewsApp) March 16, 2026
Share
Srivari Mettu: శ్రీవారి మెట్టు మార్గంలో ఉన్న రహస్య ఆలయాలు ఏవో తెలుసా..?
Tragedy Incident: గండిపేటలో విషాదం.. ఈతకు వెళ్ళి ముగ్గురు యువకులు మృతి
