ఈగల్ ఫోర్స్ ‘మరో’ సక్సెస్ ఆపరేషన్.. 180 కిలోల గంజాయి సీజ్!

Khammam: స్వేచ్ఛ బ్యూరో: ఈగల్​ ఫోర్స్ అధికారులు ఖమ్మం పోలీసులతో కలిసి మరో ఆపరేషన్​ ను సక్సెస్​ చేశారు. పక్కాగా సేకరించిన సమాచారంతో ఒడిశా నుంచి హైదరాబాద్ కు తరలిస్తున్న 9‌‌0లక్షల విలువ చేసే 180 కిలోల గంజాయిని స్వాధీనం చేసుకున్నారు. ఈ క్రమంలో గంజాయి ట్రాన్స్​ పోర్టర్​ ను అరెస్ట్ చేసి కారును సీజ్​ చేశారు.

టొయోటా కారులో 180 కిలోల గంజాయి

ఒడిశా రాష్ట్రం మల్కాన్ గిరి జిల్లాకు చెందిన ప్రబిన్​ బాత్రా కొంతకాలంగా గంజాయి ట్రాన్స్​ పోర్టర్​ గా పని చేస్తున్నాడు. బికారి అలియాస్ రోహన్​ గంజాయి తీసుకుని హైదరాబాద్ వస్తే 10వేల రూపాయలు ఇస్తానని చెప్పాడు. హైదరాబాద్ చేరుకోగానే తనను కాంటాక్ట్​ చేయాలని తెలిపాడు. దీనికి అంగీకరించిన ప్రబిన్ బాత్రా మల్కాన్ గిరిలో 180 కిలోల గంజాయి కొని టొయోటా ఇటియోస్ కారులో లోడ్​ చేసుకుని హైదరాబాద్​ బయల్దేరాడు. ఈ మేరకు పక్కాగా సమాచారాన్ని సేకరించిన ఈగల్ ఫోర్స్​ అధికారులు ఖమ్మం పోలీసులతో కలిసి రేజర్లలోని ప్రైమరీ అగ్రికల్చరల్​ కో ఆపరేటీవ్ సొసైటీ వద్ద మాటు వేశారు.

పోలీసులు కేసు నమోదు

ప్రబిన్​ బాత్రా కారుతో అటుగా రాగానే అడ్డుకుని అతన్ని అదుపులోకి తీసుకున్నారు. కారులో తనిఖీ చేయగా గంజాయి ప్యాకెట్లు దొరికాయి. నిందితున్ని జరిపిన విచారణలో ఈ గంజాయిని కర్నూలు జిల్లా నంధ్యాలకు చెందిన నాగేశ్వర్​ అనే వ్యక్తికి డెలివరీ ఇవ్వాల్సి ఉన్నట్టుగా వెల్లడైంది. ప్రబిన్​ బాత్రాపై మాదక ద్రవ్యాల నిరోధక చట్టం ప్రకారం కేసులు నమోదు చేసిన ఈగల్ ఫోర్స్​ అధికారులు తదుపరి దర్యాప్తు నిమిత్తం అతన్ని సత్తుపల్లి పోలీస్​ స్టేషన్​ లో అప్పగించారు.

Also Read: ఢిల్లీలో కొత్త ఏపీ భవన్‌ నిర్మాణానికి లైన్ క్లియర్.. బడ్జెట్, ప్రత్యేకతలు ఇవే!

పరారీలో ఉన్న రోహన్​, నాగేశ్వర రావు కోసం గాలిస్తున్నట్టు అధికారులు తెలిపారు. గంజాయి రవాణా, విక్రయాలు, వాడకం గురించి ఎలాంటి సమాచారం ఉన్నా వెంటనే 19‌‌08 నెంబర్​ కు ఫోన్​ చేసి సమాచారం అందించాలని సూచించారు. దాంతోపాటు 87126 71111 నెంబర్​ కు వాట్సాప్ ద్వారా కూడా వివరాలు తెలియచేయవచ్చని చెప్పారు. సమాచారం ఇచ్చిన వారి వివరాలను గోప్యంగా పెడతామన్నారు. ​

Share

• 
• 
• 
• 
• 
•