Fire Accident: ఎల్ఐసీ ఆఫీస్‌లో భారీ అగ్నిప్రమాదం.. ఒకరు మృతి, మరొకరికి గాయాలు

Fire Accident: తమిళనాడులోని మదురైలోని లైఫ్ ఇన్సూరెన్స్ కార్పొరేషన్ (LIC) ప్రాంతీయ కార్యాలయంలో భారీ అగ్నిప్రమాదం చోటుచేసుకుంది. అయితే నిన్న రాత్రి ఒక్కసారిగా ఆఫీసులో మంటలు చెలరేగడంతో తీవ్ర విషాదాన్ని నింపింది. కార్యాలయ సమయం ముగిసి సిబ్బంది ఇళ్లకు వెళ్తున్న సమయంలో, ఒక విభాగం నుండి దట్టమైన పొగలు రావడాన్ని గమనించిన సెక్యూరిటీ సిబ్బంది వెంటనే అప్రమత్తమయ్యారు. అయితే చూస్తుండగానే మంటలు ఇతర గదులకు వేగంగా విస్తరించాయి. సమాచారం అందుకున్న అగ్నిమాపక సిబ్బంది నాలుగు ఫైర్ ఇంజిన్ల సహాయంతో సుమారు రెండు గంటల పాటు శ్రమించి మంటలను అదుపులోకి తీసుకువచ్చింది. ఈ లోపే కార్యాలయంలోని విలువైన దస్త్రాలు, కంప్యూటర్ యంత్రాలు, ఫర్నిచర్ పూర్తిగా అగ్నికి ఆహుతయ్యాయి.

ఈ ప్రమాదం కేవలం ఆస్తి నష్టానికే పరిమితం కాకుండా ఒక నిండు ప్రాణాన్ని బలితీసుకుంది. కార్యాలయంలో విధుల్లో ఉన్న ఒక మహిళా అధికారి మంటల ధాటికి బయటపడలేక, పొగ వల్ల ఊపిరాడక లోపలే చిక్కుకుపోయి మృతి చెందడం తోటి ఉద్యోగులను దిగ్భ్రాంతికి గురిచేసింది. ఆమెతో పాటు ఉన్న మరో ఉద్యోగి తీవ్రంగా గాయపడగా, అగ్నిమాపక సిబ్బంది సాహసోపేతంగా రక్షించి స్థానిక ఆసుపత్రికి తరలించారు. ప్రస్తుతం ఆ బాధితుడు అత్యవసర చికిత్స పొందుతున్నారు.

Also Read: తెలంగాణ గ్రామాల్లో కొత్త నాయకత్వం.. హోరాహోరీగా సాగిన మూడు విడతల పంచాయతీ ఎన్నికలు!

ప్రమాదానికి గల ఖచ్చితమైన కారణాలు ఇంకా తెలియరానప్పటికీ, ప్రాథమికంగా విద్యుత్ షార్ట్ సర్క్యూట్ వల్ల ఈ ప్రమాదం జరిగి ఉండవచ్చని పోలీసులు అనుమానిస్తున్నారు. కార్యాలయంలోని అగ్నిమాపక పరికరాలు సక్రమంగా పనిచేశాయా లేదా అనే కోణంలో ఫోరెన్సిక్ నిపుణులు దర్యాప్తు చేస్తున్నారు. ప్రభుత్వం, ఎల్‌ఐసీ ఉన్నతాధికారులు ఈ ఘటనపై లోతైన విచారణకు ఆదేశించారు. రద్దీగా ఉండే ప్రాంతంలో జరిగిన ఈ ప్రమాదం వల్ల పరిసర ప్రాంత ప్రజలు భయాందోళనకు గురయ్యారు. దీనిపై పూర్తి సమాచారం తెలియాల్సి ఉంది.

LIC భవనంలో అగ్నిప్రమాదం.. ఒకరు మృతి!

తమిళనాడు-మధురైలోని LIC భవనంలో బుధవారం రాత్రి భారీ అగ్నిప్రమాదం

ఈ ప్రమాద ఘటనలో ఆ కార్యాలయంలో పని చేస్తున్న మహిళా అధికారి ఒకరు మృతి

ప్రమాదానికి గల కారణాలు తెలియాల్సి ఉంది pic.twitter.com/Wr6Q8GTBpc

— BIG TV Breaking News (@bigtvtelugu) December 18, 2025