Abhishekam for Lord shiva on Shivaratri: ఏ అభిషేకం చేస్తే శివుడి అనుగ్రహం కలుగుతుంది..??

Abhishekam for Lord shiva on Shivaratri 2024: జ్యోతిర్లింగాల్లో ఒకటన శ్రీశైలం పుణ్యక్షేత్రానికి వెళ్తున్న భక్తుల సంఖ్య క్రమంగా పెరుగుతోంది. మల్లిఖార్జున స్వామికి భ‌క్తులు స్వామివారికి అభిషేకం చేయించేందుకు పోటీ ప‌డ‌తారు. శివునికి ఇష్ట‌మైన సోమ‌వారంతోపాటు ప్ర‌త్యేక ప‌ర్వ‌దినాల్లో లింగ స్వ‌రూపుడిని అభిషేకిస్తారు. శ్రీ‌శైలంలో మ‌ల్ల‌న్న అభిషేకానికి 50 ఏళ్ల క్రితం టికెట్టు ప‌ది పైస‌లు మాత్ర‌మే ఉండేది. ప్ర‌స్తుతం రూ5 వేలు వెచ్చిస్తేగానీమ‌ల్ల‌న్న ముందు కూర్చుని అభిషేకించు కోలేని ప‌రిస్థితి అయినా స‌రే భ‌క్తులు వెన‌కాడ‌డం లేదు.

ముక్కంటి మ‌ల్ల‌న్న అభిషేక ప్రియుడు. పూలు, ఫ‌లాలు, పంచామృతం అవ‌స‌ర‌మే లేదు. కాసిన్ని నీటితో అభిషేకించినా మురిసిపోయి త‌మ‌ను అనుగ్ర‌హిస్తాడ‌ని భ‌క్తులు విశ్వ‌సిస్తారు. పాలతో శివుడ్ని అభిషేకిస్తే దు:ఖ నాశ‌నం కలుగుతుంది. పెరుగుతో అభిషేకిస్తే ఆరోగ్యం, నెయ్యి చేస్తే గుణ‌వంతులు, తేజోవంతులు అవుతారని పురాణాలు చెబుతున్నాయి. చెరుకు ర‌సంతో ఆనందం, కొబ్బ‌రి నీళ్లుతోచేస్తే ధ‌న‌వృద్ధి ప్రాప్తిస్తుంది.

Read More: మీనరాశిలో బుధుడు ఉదయం.. ఈ రాశుల వారికి లాభాలు..

భ‌స్మ‌జ‌లం చేసే మ‌హాపాప‌నాశ‌నం కలుగుతుంది. అవిస‌నూనె, విప్ప‌నూనె, నువ్వుల‌నూనెతో శివుడ్ని అభిషేకిస్తే శ‌త్రునాశ‌నం జరుగుతుంది. బిల్వ‌ద‌శ‌జ‌లంతో భోగ‌భాగ్యాలు, కలుగుతాయి. సువ‌ర్ణ‌జ‌లం-దారిద్ర్య నాశ‌నం అవుతుందని నమ్మకం. ద్రాక్ష‌ పండ్ల‌ ర‌సంతో ధ‌న‌ప్రాప్తి, ఖ‌ర్జూర జ‌లంతో అభిషేకిస్తే సుఖ‌జీవ‌నం ఉంటుంది. క‌స్తూరి జ‌లతో శివుడ్ని అభిషేకిస్తే శత్రుహాని నివార‌ణ ఉటుంది.

శివపూజలో అన్నంతో లింగార్చన చేయడానికి ప్రత్యేక ప్రాధాన్యత ఉంది. పెరుగు కలిపిన అన్నముతో శివ లింగం మొత్తం అద్ది పూజ చేస్తారు. ఆ అద్దిన అన్నాన్ని అర్చన తర్వాత ప్రసాదముగా పంచుతారు. చూడటానికి ఎంతో బాగుంటుంది అన్న లింగార్చన . ఎన్ని అభిషేకాలు చేసిన భక్తితో చేస్తే పరమశివుడు కరుణించి అనుగ్రహిస్తాడు. ఏ అభిషేకం చేశామన్న సంగతి కన్నా ఎంత భక్తితో శివయ్యను కొలుస్తున్నామన్నదే అసలు విషయం.

Share

• 
• 
• 
• 
• 
•