Chilukur : వీసాగాడ్ చిలుకూరులో ప్రదక్షణలు మళ్లీ మొదలు

Chilukur : కరోనా కారణంతో చిలుకూరులో ఆగిపోయిన ప్రదక్షణ సౌకర్యం మళ్లీ పునః ప్రారంభమైంది. ఎప్పటిలాగానే భక్తులు తమ మొక్కులు చెల్లించుకునే అవకాశం కల్పించారు. రవాణా సౌకర్యాలు కూడా చక్కగా అందుబాటులో ఉండటం, వల్ల బాలాజి ఆలయాన్ని దర్శించటానికి ప్రతిరోజూ వేలల్లో భక్తులు వస్తుంటారు . ప్రతి రోజూ 20-30 వేలమంది భక్తులు , సెలవుదినాలలో 30-50 వేలమంది భక్తులు వేంకటేశ్వరుని దర్శిస్తుంటారు. విఐపి దర్శనాలు , టిక్కెట్లు , హుండీలు లేని దేవాలయాలయంగా చిలుకూరు ఆలయం ఒక్కటే. .

ఒకే ప్రాంగణంలో వెంకటేశ్వర స్వామి, మరోవైపు శివుడు పూజలందుకోవటం ఈ ఆలయ విశిష్టత. ఈ ఆలయంలో 108 ప్రదక్షణలు ప్రసిద్ధి పొందినది. కలియుగ దైవం, శ్రీ వెంకటేశ్వర స్వామి మూడు చోట్ల ప్రత్యక్షమైనట్లు పురాణాలు చెబుతున్నాయి . తిరుమలలో వెలసిన శ్రీ వేంకటేశ్వరుడు , ద్వారాక తిరుమల చిన్న వెంకటేశ్వర స్వామి , చిలుకూరు బాలాజీ గా మూడుచోట్లా ప్రసిద్ధి చెందారు.
చిలుకూరు గుడికి 500 ఏళ్ళ సుదీర్ఘ చరిత్ర ఉంది.

వెంకటేశ్వర స్వామి కోరిన కోర్కెలను తీర్చే ,కలియుగ వైకుంఠుడిగా ప్రసిద్ధి. చిలుకూరు బాలాజీ ఆలయాన్ని మొదటసారి దర్శించి 11 ప్రదక్షిణలు చేసి కోర్కెలను కోరుకోవటం , అవి తీరిన తర్వాత 108 ప్రదక్షణలు చేసి మొక్కులను చెల్లించుకొనే పద్దతి ఇక్కడ ఆవవాయితీగా వస్తుంది. . చిలుకూరు బాలాజీ ఆలయానికి వీసా గాడ్ అని కూడా పేరు . కొన్నేళ్ల క్రితం పై చదువులకు, ఇతర దేశాలకు వెళ్లి చదువుకునే విద్యార్థులకు, వీసా దొరకక ఇబ్బందిపడేవారు . చిలుకూరి బాలాజీ విశిష్టత తెలుసుకుని ఎక్కువమంది త్వరగా వీసా రావాలని కోరుకోవటం , ఆకోరిక నెరవేరటం వెంటనే జరిగిపోయాయి. దాంతో ఇక్కడ స్వామి వారికి వీసా దేవుడిగా పేరొచ్చింది .