Gayatri Jayanti 2024: గాయత్రీ జయంతి రోజున ఇలా చేస్తే మానసిక ప్రశాంతత లభిస్తుంది

Gayatri Jayanti 2024: జ్యోతిష్య శాస్త్రంలో, ప్రతీ తేదీకి ఓ ప్రాముఖ్యత ఉంటుంది. జ్యేష్ఠ మాసం, శుక్ల పక్షంలోని ఏకాదశి రోజున గాయత్రీ జయంతిని జరుపుకుంటారు. ఈ రోజును హిందూ మతంలో ప్రత్యేకంగా భావిస్తారు. వేదాలకు మూలమైన గాయత్రీ మాత ఈ రోజునే దర్శనమిస్తుందని ప్రతీతి. అందుకే ఈ రోజును గాయత్రీ జయంతిగా జరుపుకుంటారు.

గ్రంథాలలో గాయత్రి మాతను వేదాల తల్లి అని పిలుస్తారు. పురాణాల ప్రకారం, వేదాల తల్లి గాయత్రి ఈ రోజున కనిపించింది అని అంటారు. హిందూ మతం 4 వేదాలు మాత గాయత్రి నుండి ఉద్భవించాయని, 4 వేదాల సారాంశం గాయత్రీ మంత్రంలో ఉందని కూడా చెప్పబడింది. తల్లి గాయత్రిని జ్ఞాన దేవత అని కూడా అంటారు. అందువల్ల గాయిత్రీ జయంతి రోజు ప్రాముఖ్యత గురించి ఇప్పుడు తెలుసుకుందాం.

గాయత్రి జయంతి ఎప్పుడు

హిందూ క్యాలెండర్ ప్రకారం, గాయత్రీ జయంతిని జ్యేష్ఠ మాసంలోని శుక్ల పక్ష ఏకాదశి రోజున జరుపుకుంటారు. వేద జ్యోతిషశాస్త్రం ప్రకారం, ఈ సంవత్సరం జ్యేష్ఠ మాస ఏకాదశి జూన్ 17న జరుపుకుంటారు. ఈ రోజు ఉదయం 4:43 గంటలకు ప్రారంభమై జూన్ 18న ఉదయం 6:24 గంటలకు ముగుస్తుంది. ఉదయతిథి ప్రకారం జూన్ 17న గాయత్రీ జయంతిని నిర్వహిస్తారు.

ఆ ఏం జరగబోతుంది..

ఈ సంవత్సరం గాయత్రీ జయంతి నాడు చాలా పవిత్రమైన యోగం ఏర్పడుతోంది. ఈ రోజున రవియోగం, శివయోగం, చిత్ర నక్షత్రం ఉండనుంది. ఈ రోజున ఆచారాల ప్రకారం పూజించడం ద్వారా శుభ ఫలితాలు లభిస్తాయి.

పూజ శుభ సమయం

గాయత్రీ జయంతి రోజున గాయత్రీ మాతను పూజించే సంప్రదాయం ఉంది. ఈ రోజున ఉదయాన్నే నిద్రలేచి సూర్య భగవానునికి నీరు సమర్పించి గాయత్రీ మంత్రాన్ని జపించాలి. ఈ మంత్రాన్ని జపించిన తర్వాత మాత్రమే పూజలు సంపూర్ణంగా అవుతాయని నమ్ముతారు. ఈ రోజు ఉదయం 5.23 గంటలకు సూర్యోదయం జరుగుతుంది. అదే సమయంలో బ్రహ్మ ముహూర్తం ఉదయం 4.03 నుండి 4.43 వరకు ఉంటుంది.

గాయత్రీ జయంతి ప్రాముఖ్యత

తల్లి గాయత్రీ జ్యేష్ఠ మాసంలోని శుక్ల పక్షం ఏకాదశి తిథి నాడు దర్శనమిచ్చింది. అంతేకాదు గాయిత్రీ దేవి 4 వేదాలను సృష్టించింది. పురాణాల ప్రకారం, బ్రహ్మదేవుని సృష్టి సమయంలో మాత గాయత్రి కనిపించింది. అప్పుడు బ్రహ్మదేవుడు మాత గాయత్రిని మంత్రాన్ని వివరించమని అడిగాడు. బ్రహ్మదేవుని ఆదేశానుసారం గాయత్రి మాత ‘ఓం భూర్భువః స్వః తత్సవితుర్వరేణ్యం భర్గో దేవస్య ధీమహి ధియో యో నః ప్రచోదయాత్’ అని 4 వేదాలను ఆవిష్కరించింది. అందుకే గాయత్రిని వేదాలకు తల్లి అని అంటారు. గాయత్రీ మంత్రంలో 4 వేదాల సారాంశం ఉందని కూడా చెబుతారు. ఈ మంత్రాన్ని పఠించడం వల్ల మనిషికి ఉన్న కష్టాలు, బాధలు తొలగిపోతాయి.

Share

• 
• 
• 
• 
• 
•