Nagarjuna Sagar: నాగార్జునసాగర్ జలాశయానికి పోటెత్తిన వరద.. 26 గేట్లు ఎత్తివేత నీటి విడుదల

Nagarjuna Sagar: తెలుగు రాష్ట్రాల్లో ప్రస్తుతం కురుస్తున్న వర్షాలకు అన్ని ప్రాజెక్టులకు వరద నీరు వచ్చి చేరుతుంది. అలాగే నాగార్జునసాగర్ ప్రాజెక్టుకు వరద నీరు రావడంతో 26 గేట్లు ఎత్తి నీటి దిగువకు విడుదల చేశారు.

నాగార్జునసాగర్ జలాశయానికి కొనసాగుతున్న వరద
నాగార్జునసాగర్ జలాశయం, ఆంధ్రప్రదేశ్, తెలంగాణ రెండు రాష్ట్రాల సరిహద్దులో నిర్మించారు.. ఇది ప్రపంచంలోనే అతిపెద్ద మట్టి-కాంక్రీటు మిశ్రమ డ్యామ్‌లలో ఒకటి. 1954లో ప్రారంభమైన ఈ ప్రాజెక్టు, 1967లో పూర్తి చేయబడింది. దీని పూర్తి నీటిమట్టం 590 అడుగులు, మొత్తం నిల్వ సామర్థ్యం 312 TMC.

ప్రాజెక్టు 26 క్రస్ట్ గేట్లు ఎత్తివేత..
ఈ డ్యామ్ తెలంగాణలో 6.3 లక్షల ఎకరాలు, ఆంధ్రప్రదేశ్‌లో 11.74 లక్షల ఎకరాల వ్యవసాయ భూములకు సాగునీటి అందిస్తుంది. అదనంగా, 810 MW హైడ్రో-ఎలక్ట్రిక్ పవర్ జనరేషన్ స్థావరం, పులిచింతల ప్రాజెక్టుకు వరద నీటి సరఫరా వంటి బహుముఖ పాత్ర పోషిస్తుంది. డ్యామ్ పొడవు 1.2 కి.మీ., ఎత్తు 490 అడుగులు, 26 క్రెస్ట్ గేట్లతో వరద నీటిని నియంత్రించడానికి రూపొందించారు.

ప్రాజెక్టు ప్రస్తుత నీటి మట్టం 586.90 అడుగులు
అయితే నేడు తెలంగాణ, మహారాష్ట్ర, కర్ణాటకలో కురిసిన భారీ వర్షాల కారణంగా కృష్ణానది లోయలో వరదలు ఏర్పడ్డాయి. ఇది నాగార్జునసాగర్‌కు భారీ ఇన్‌ఫ్లోను తీసుకొచ్చింది. ఇన్‌ఫ్లో 4,42,596 క్యూసెక్కులతో రికార్డు సృష్టించింది. డ్యామ్‌లో ప్రస్తుత నీటి మట్టం 586.90 అడుగులు.. అయితే ఇది FRL నుంచి కేవలం 3.1 అడుగుల దూరంలో ఉంది. దీంతో రెసర్వాయర్ దాదాపు నిండిపోయింది, నిల్వ స్థాయి 300 TMC పైన ఉండవచ్చని చెబుతున్నారు.

Also Read: హనుమాన్ ఆలయంలో చోరీ.. హుండి పగలగొట్టి దోచుకెళ్లిన దొంగలు

నేడు భారీ వరద కారణంగా 26 క్రెస్ట్ గేట్లన్నీ ఎత్తివేయబడ్డాయి. ఈ పరిస్థితి వ్యవసాయానికి లాభదాయకం అని తెలిపారు. వరద నీటి కారణంగా రెసర్వాయర్ నిండిపోవడం వల్ల విద్యుత్ ఉత్పత్తి పెరిగింది, సాగునీటి విడుదల పెరిగింది. తెలంగాణ మంత్రి ఉత్తమ్ కుమార్ రెడ్డి ఈ డ్యామ్‌ను ‘ఆధునిక ఆలయం’గా పిలిచారు. అయితే, డౌన్‌స్ట్రీమ్ ప్రాంతాల్లో వరద ప్రమాదాలు ఉండవచ్చని, ప్రజలు నీటిని చూడడానికి వెళ్లిన వారు తగిన జాగ్రత్తలు తీసుకోవాలని అధికారులు హెచ్చరిస్తున్నారు.

నాగార్జునసాగర్ జలాశయానికి కొనసాగుతున్న వరద

ప్రాజెక్టు 26 క్రస్ట్ గేట్లు ఎత్తివేత

ప్రాజెక్టు పూర్తిస్థాయి నీటి మట్టం 590.00 అడుగులు

ప్రాజెక్టు ప్రస్తుత నీటి మట్టం 586.90 అడుగులు

ఇన్ ఫ్లో 4,42,596 క్యూసెక్కులు కాగా, ఔట్ ఫ్లో 5,85,624 క్యూసెక్కులు pic.twitter.com/1ronLgqlzI

— BIG TV Breaking News (@bigtvtelugu) September 28, 2025

Share

• 
• 
• 
• 
• 
•