Ganesh Chaturthi 2025: గణేష్ చతుర్థి లడ్డూ ప్రసాదం.. సింపుల్ రెమెడీ.. తింటే వావ్ అనాల్సిందే

Ganesh Chaturthi 2025: వినాయక చవితి రాబోతోంది. పిల్లల నుండి పెద్దల వరకు అందరికీ ఎంతో ఇష్టమైన ఈ పండుగ రోజున ప్రతి ఇంటికి ఆధ్యాత్మిక శోభ సంతరించుకుంటుంది. ఈ రోజున గణపయ్యకి ప్రత్యేకంగా నైవేద్యం పెడతారు. అందులో లడ్డు ఆయనకు ఎంతో ఇష్టం. ముఖ్యంగా కొబ్బరి లడ్డు, శెనగపిండి లడ్డు ప్రతి ఇంటిలోనూ తప్పక తయారు చేస్తారు. ఈ లడ్డులు రుచికరంగానే కాకుండా ఆరోగ్యానికి మేలు చేస్తాయి. ఇప్పుడు ఈ రెండు లడ్డులను ఇంట్లో ఎలా సులభంగా తయారు చేసుకోవచ్చో చూద్దాం.

Also Read: 90’s A Middle Class: అవార్డుల పంట పండించిన శివాజీ 90’స్.. సంతోషంలో టీమ్!

వినాయక చవితి పండుగ అంటే భగవంతుడిని ఎంతో ప్రేమగా, ఎంతో భక్తితో పూజించడం మాత్రమే కాదు, ఆయనకు ఇష్టమైన వంటకాలను సమర్పించడం కూడా ఒక ముఖ్యమైన భాగమే. ఈ రోజున ప్రత్యేకంగా ఉండ్రాళ్లు, కుడుములు, లడ్డులు నైవేద్యంగా పెడతారు. ఈ వంటకాలలో ప్రతి ఒక్కదానికి ఒక ప్రత్యేకత ఉంటుంది. ముఖ్యంగా లడ్డులు, గణపయ్యకి ఎంతో ఇష్టమైన నైవేద్యం. అందుకే ప్రతి ఇంటిలోనూ కొబ్బరి లడ్డు, శెనగపిండి లడ్డు, బొంబాయి రవ్వ లడ్డు, పెసరపప్పు లడ్డు, బెల్లం లడ్డు ఇలా ఎన్నో రకాలుగా లడ్డులు తయారు చేసి వినాయకునికి అర్పిస్తారు. ఇవన్నింటిలో కొబ్బరి లడ్డు, శెనగపిండి లడ్డు తయారీ చాలా ముఖ్యమైనవి. పదార్థాలు తక్కువైనా, రుచి మాత్రం అద్భుతంగా ఉంటుంది.

కొబ్బరి లడ్డు తయారీ విధానం.. ముందుగా కావలసిన పదార్థాలు:

ఎండు కొబ్బరి తురుము – 2 కప్పులు
బెల్లం – 1 కప్పు
యాలకుల పొడి – అర టీస్పూను
నెయ్యి – 2 టీస్పూన్లు
నీళ్ళు – పావు కప్పు

ఇలా తయారు చేయండి..

ముందుగా బెల్లాన్ని నీళ్ళలో వేసి కరిగించాలి. బెల్లం మురికి బయటకు రావడానికి ఆ పాకాన్ని వడకట్టాలి. వడకట్టిన పాకాన్ని మళ్లీ పొయ్యి మీద పెట్టి కొంచెం చిక్కబడేవరకు మరిగించాలి. ఇప్పుడు అందులో కొబ్బరి తురుము, యాలకుల పొడి వేసి బాగా కలపాలి. చివరగా నెయ్యి వేసి వేడిగా ఉండగానే చిన్న చిన్న ఉండలు చుట్టుకుంటే రుచికరమైన కొబ్బరి లడ్డులు సిద్ధమవుతాయి. ఈ లడ్డు తినడానికి మెత్తగా, రుచిగా ఉండటమే కాదు, ఎక్కువకాలం నిల్వ కూడా ఉంటాయి.

శెనగపిండి లడ్డు తయారీ విధానం.. దీనికి కావలసిన పదార్థాలు:

శెనగపిండి – 2 కప్పులు

పంచదార – 1 కప్పు నరుకి అర (1 ½ కప్పు)

నెయ్యి – 1 కప్పు

యాలకుల పొడి – అర టీస్పూను

జీడిపప్పు, బాదంపప్పు – కొద్దిగా

ఇలా చేయండి..

ముందుగా ఒక గిన్నెలో నెయ్యి వేసి వేడిచేయాలి. అందులో శెనగపిండిని వేసి మంచి వాసన వచ్చే వరకు మెల్లగా వేయించాలి. ఆ తర్వాత చల్లారనివ్వాలి. చల్లారిన తర్వాత పంచదార పొడి, యాలకుల పొడి, జీడిపప్పు, బాదం ముక్కలు వేసి కలపాలి. ఇప్పుడు మళ్లీ కొద్దికొద్దిగా వేడి నెయ్యి పోస్తూ ఉండలు చుట్టుకుంటే శెనగపిండి లడ్డు సిద్ధం అవుతుంది. ఈ లడ్డు ప్రత్యేకంగా శక్తిని ఇస్తుంది. చిన్న పిల్లలకైనా, పెద్దవారికైనా ఇది చాలా ఇష్టం.

Also Read: Pragya Jaiswal : గార్జీయస్ లుక్ ప్రగ్యా జైస్వాల్.. మతిపోగొడుతుంది మావ..

లడ్డూ ప్రత్యేకత

లడ్డు అనేది ఒక మిఠాయి మాత్రమే కాదు, వినాయకుడికి శ్రద్ధగా చేసే అర్పణ. మన పూర్వ కాలం నుంచి లడ్డులు వినాయక చవితి నైవేద్యంలో ఒక ముఖ్యమైన వంటకం. బెల్లం, పిండి, కొబ్బరి, నెయ్యి వంటి పదార్థాలు ఆరోగ్యానికి మేలు చేస్తాయి. అందుకే వీటిని తయారు చేసి దేవుడికి సమర్పిస్తారు. గణేశుడి ఒక రూపం లడ్డు గోపాలుడని కూడా పిలుస్తారు. కారణం, ఆయన ఎప్పుడూ చేతిలో ఒక లడ్డు పట్టుకుని కనిపిస్తాడు. అది కేవలం మిఠాయి కాదు, ఆనందానికి, సంపూర్ణతకి ప్రతీక. ఇంట్లో లడ్డు తయారు చేసి దేవుడికి నైవేద్యంగా పెట్టడం అంటే సుఖసంపదలు, శాంతి, ఐశ్వర్యం రావాలని కోరుకోవడమే.

వీటితో పాటు బొంబాయి రవ్వ లడ్డు, పెసరపప్పు లడ్డు, బెల్లం లడ్డు వంటివి కూడా అదే రీతిలో తయారు చేస్తారు. అయితే ప్రతి లడ్డులో పదార్థాలు, కొలతలు కొంచెం మారుతాయి. కానీ అన్నీ రుచిలో అద్భుతంగా ఉంటాయి. వినాయక చవితి నాడు ఇలాంటి లడ్డులు ఇంట్లో తయారు చేసి, వినాయకునికి నైవేద్యంగా పెడితే భగవంతుడు ప్రసన్నుడై సుఖశాంతులు ప్రసాదిస్తాడని మన విశ్వాసం. కాబట్టి ఈ పండుగ రోజున లడ్డులు తప్పక తయారు చేసి వినాయకునికి సమర్పించడం మనందరి బాధ్యత.

Share

• 
• 
• 
• 
• 
•