Raksha Bandhan 2025: ఈ నియమాలు పాటించకపోతే రాఖీ కట్టిన ఫలితం ఉండదు!

Raksha Bandhan 2025: రక్షాబంధన్‌ అంటే ఒక పవిత్రమైన అనుబంధానికి గుర్తు. ఇది కేవలం ఓ పండుగ కాదు… అది మన హృదయాల్లో నాటుకున్న ప్రేమ, భద్రత, బాధ్యత అనే భావాలను గాఢంగా గుర్తు చేస్తుంది. అన్నదమ్ముల బంధాన్ని వ్యక్తపరచే ఈ పండుగ ప్రతి సంవత్సరం శ్రావణ పౌర్ణమి నాడు జరుపుకుంటాం. 2025లో ఈ పండుగ ఆగస్టు 9వ తేదీన వస్తోంది. ఈ రోజు అన్నా చెల్లెల అనుబంధం జీవితాంతం నిలిచిపోతుంది.

పూజ గదిలో రాఖీ కడితే మంచిది..

ఈ పండుగ రోజు ఉదయం నుంచే ఇంట్లో ఓ ప్రత్యేకమైన ఆహ్లాద వాతావరణం వెల్లివిరుస్తుంది. చెల్లెమ్మలు తమ అన్నల కోసం శుభ ముహూర్తాన రాఖీ కట్టేందుకు సిద్ధపడతారు. రాఖీ కట్టే సమయంలో పరిశుభ్రత పాటించడం చాలా ముఖ్యమైన విషయం. ఉదయం పూట స్నానం చేసి, శుభ్రంగా ఉండి, మానసికంగా ప్రశాంతంగా ఉండటం. ఇంట్లోని పూజా గదిని శుభ్రం చేసి, అక్కడే రాఖీ కట్టడం ఉత్తమం. ఒక చిన్న ప్లేట్‌లో దీపం, కుంకుమ, చందనం, అక్షింతలు, తీపి ఉండేలా సిద్ధం చేయాలి. అన్నకి ముందుగా కుంకుమ, అక్షింతలు వేసి, ఆ తర్వాత రాఖీని కుడి చేతికి బలంగా కట్టాలి. ఇది కేవలం ఒక దారమే కాదు – రక్షణకు, ప్రేమకు, అనుబంధానికి చిహ్నం.

రాఖీ కట్టే ముందు ఈ శ్లోకం చదవండి..

రాఖీ కట్టే సమయంలో చదివే శ్లోకానికి కూడా ప్రత్యేకమైన ప్రాముఖ్యత ఉంటుంది. “ఓం యేన బద్ధో బలి రాజా…” అనే శ్లోకం అన్నదమ్ముల మధ్య బంధాన్ని మరింత బలపరుస్తుంది. అనంతరం చెల్లెలు అన్నకు తీపి తినిపించి, ఆయుష్మాన్ భవ అనే ఆశీస్సులు కోరుతుంది. అన్న కూడా గిఫ్ట్ ఇస్తాడు – అది ఆ చెల్లెలు మీద తన ప్రేమకు గుర్తుగా ఉంటుంది.

రాఖీని ఎప్పుడు తీయాలి..

ఇదంతా సరే రాఖీ కట్టిన తర్వాత చాలామందికి ఒక సందేహం కలుగుతుంది. అదేమిటంటే.. రాఖీ ఎప్పటికి వరకు చేతిలో పెట్టుకోవాలి? తీసేయొచ్చా?” అని. ధర్మశాస్త్రాల ప్రకారం, రాఖీని వెంటనే తీసేయకూడదు. కనీసం మూడు రోజులు చేతిలో ఉంచితే మంచి ఫలితాలు వస్తాయని నమ్మకం. మరికొందరు అది కృష్ణాష్టమి లేదా గణేశ చతుర్థి వరకు ఉంచుతారు. కొన్ని ప్రాంతాల్లో అది తులసి మొక్క దగ్గర ఉంచడం, గంగానదిలో వదలడం వంటి ఆచారాలు ఉన్నాయి. తీసేసే సమయంలో కూడా గౌరవంగా, శుభ్రతతో తీసి పుణ్యమైన స్థలంలో వదలడం శ్రేయస్కరం.

ఈ పండుగలో పాటించాల్సిన మరికొన్ని విషయాలు కూడా ఉంటాయి. రాఖీ కట్టే ముందు చల్లటి నీళ్లతో చేతులు కడుక్కోవాలి. పసుపు, కుంకుమ లేకుండా రాఖీ కట్టకూడదు. రాఖీ కట్టేటప్పుడు మనసులో మృదువైన స్వభావం కలిగి ఉండాలి. అలాగని అన్నతో గొడవలు పెట్టుకోవడం, చిరాకు చూపించడం వంటివి ఆ రోజు చేయకూడదు. ఆ రోజంతా సంతోషంగా, ప్రేమగా గడపడం – అదే రక్షాబంధన్ సారాంశం.

రాఖీ అన్నకు మాత్రమే కట్టాలా..

ఇప్పుడు ఒక ముఖ్యమైన విషయం ఏమిటంటే… చాలామందికి వచ్చే ప్రశ్న – రాఖీ అన్నకు మాత్రమే కట్టాల్సిందేనా అని. కానీ ప్రస్తుతం చెల్లెల్లు తమ స్నేహితులకు, మేనమామలకు, లేదా రక్షణ అవసరమైన ఎవరైనా వ్యక్తులకు కూడా రాఖీ కడుతున్నారు. ఇది కేవలం బంధుత్వానికి మాత్రమే పరిమితం కాదు – నమ్మకానికి, స్నేహానికి, రక్షణకు ప్రతీకగా మారింది. ప్రపంచంలోని వివిధ ప్రాంతాల్లో హిందూ ఆడపిల్లలు ఇతర మతాల వ్యక్తులకు కూడా రాఖీ కట్టి స్నేహబంధాన్ని స్థాపించిన సందర్భాలు ఉన్నాయి. ఈ పండుగ ప్రతి ఇంట్లో గాని, ప్రతి మనసులో గాని ఒక కొత్త ఆనందాన్ని నింపుతుంది. ఏ సంవత్సరం వచ్చినా, ఎంత కాలం గడిచినా, ఈ రాఖీ పండుగ తీసుకొచ్చే పవిత్రత, ప్రేమ, శ్రద్ధ మాత్రం మారదు. అందుకే రక్షాబంధన్‌ రోజు ఓ ప్రత్యేకత కలిగి ఉంటుంది. ఈ పండుగలో ప్రతి ఒక్కరూ ఆ బంధాన్ని మరింత బలంగా, పవిత్రంగా భావించాలి.

రాఖీ ఎప్పుడు తీయాలి..

రాఖీ కట్టి వదిలేసే సమయం గురించి తెలుసుకోవడం ఒక్కటే కాదు… దీని వెనుక ఉన్న భావాన్ని అర్థం చేసుకోవాలి. ఇది ఓ సంస్కృతిని, ఓ సాంప్రదాయాన్ని, మన హృదయాన్ని కలిపే నాడు. ఈ రోజు చెల్లెల్లు అన్నలకి మాత్రమే కాదు, మన సమాజానికి ఓ సందేశాన్ని ఇస్తారు – “మేమున్నాం, మిమ్మల్ని కాపాడేందుకు – మీరు మమ్మల్ని ఆదరించండి అని.

Share

• 
• 
• 
• 
• 
•