Surrogacy Celebrities : సరోగసి ద్వారా పిల్లల్ని కన్న తారలు

Surrogacy Celebrities : ఎలాంటి మహిళైనా మాతృత్వ మధురానుభూతులను పొందడాన్ని అదృష్టంగానే భావిస్తుంది. అయితే, కొందరు హీరోయిన్లు మాత్రం.. కొన్ని కారణాల వల్ల ‘సరోగసి’ ద్వారా పిల్లలను కనడానికి ఎక్కువ మొగ్గు చూపుతున్నారు. అలా సినీ ఇండస్ట్రీలో సరోగసి ద్వారా పిల్లలను కన్న తారల గురించి తెలుసుకుందాం.

మంచు లక్ష్మీ
ప్రముఖ నటుడు మోహన్ బాబు కూతురు, నటి మంచు లక్ష్మీ స‌రోగ‌సి ద్వారా బిడ్డ‌ను క‌ని అంద‌ర్నీ ఆశ్చర్యపరిచింది. మంచు ల‌క్ష్మీ దంప‌తులు త‌మ బిడ్డ విద్యా నిర్వాణకు స‌రోగ‌సి ద్వారా జ‌న్మినిచ్చారు. గుజ‌రాత్‌కు చెందిన ఓ మ‌హిళ ద్వారా మంచు ల‌క్ష్మీ బిడ్డ‌కు జ‌న్మ‌నిచ్చిన‌ట్టు సమాచారం.

ప్రియాంక చోప్రా
బాలీవుడ్ బ్యూటీ ప్రియాంక చోప్రా.. సరోసగి ద్వారానే పాప పుట్టినట్టు ప్రకటించారు. దీనిపై ప్రియాంక స్పందిస్తూ..‘అందం పాడవుతుందని సరోగసితో పాపను కనిందని అందరూ నన్ను తప్పుగా భావించారు. నిజానికి అనారోగ్య సమస్యల వల్లే ఈ పద్ధతిని అనుసరించా’ అని చెప్పుకొచ్చింది.

సన్నీలియోన్
స‌న్నీలియోన్ కూడా స‌రోగ‌సి ద్వారా ఇద్ద‌రు క‌వ‌లలకు జ‌న్మ‌నిచ్చింది. అంతే కాకుండా మరో బిడ్డ‌ను స‌న్నీలియోన్ ద‌త్త‌త తీసుకుంది. ఇక ప్ర‌స్తుతం స‌న్నీలియోన్ బాలీవుడ్‌తో పాటూ టాలీవుడ్‌లోనూ నటిస్తోంది.

నయనతార
తాజాగా ప్రేమించి పెళ్లి చేసుకున్న నయనతార-విఘ్నేష్ జంట కూడా సరోగసి విధానంలో తల్లిదండ్రులు అయ్యారు. వీరికి మగ కవలలు జన్మించిన విషయం తెలిసిందే. పెళ్లయిన ఐదు నెలలు కూడా కాకుండానే సరోగసీ ద్వారా నయన్‌కు పిల్లలు పుట్టారు.