Actress Namita Clarified Divorce with Her Husband: ఈ మధ్యకాలంలో విడాకుల ట్రెండ్ నడుస్తోంది. సినిమా, సీరియల్ అని లేకుండా సెలబ్రిటీలు విడాకులు తీసుకుని షాక్ ఇస్తున్నారు. ప్రేమించి పెళ్లి చేసుకున్న జంటలు ఏడాది కూడా నిండకుండానే విడాకులు తీసుకున్నట్లు ప్రకటించి షాక్ ఇస్తున్నారు. ఇక సోషల్ మీడియా కూడా ఎంతో అన్యోన్యంగా ఉన్న జంటలు కొన్నిరోజులు సోషల్ మీడియాలో కనిపించకపోతే వారు విడిపోయారని, విడాకులు తీసుకుంటున్నారని పుకార్లు సృష్టిస్తున్నారు.
తాజాగా బొద్దు భామ నమిత కూడా విడాకుల బాట పట్టిందని వార్తలు గుప్పుమన్నాయి. సొంతం సినిమాతో నమిత తెలుగుతెరకు పరిచయమైంది. ఈ సినిమా తరువాత అమ్మడు తెలుగులో కంటే తమిళ్ లోనే ఎక్కువ ఫేమస్ అయ్యింది. ఇక కెరీర్ పీక్స్ లో ఉన్నప్పుడే టాలీవుడ్ దర్శకుడు వీరేంద్ర చౌదరిని వివాహం చేసుకుంది. వీరికి ఇద్దరు కవలలు కూడా ఉన్నారు.
ప్రస్తుతం వీరేంద్ర బిజినెస్ లతో బిజీగా ఉండగా .. నమిత ఒకపక్క రాజకీయాలకు ప్రచారం చేస్తూనే ఇంకోపక్క అడపాదడపా టీవీ షో లలో కనిపిస్తుంది. ఇక గత కొన్ని రోజులుగా వీరేంద్రకు నమిత విడాకులు ఇచ్చినట్లు వార్తలు వినిపిస్తున్నాయి. వీరిద్దరి మధ్య విబేధాలు తలెత్తడంతో వీరు విడాకులు తీసుకున్నట్లు వార్తలు పుట్టుకొచ్చాయి.
ఇక ఈవార్తలపై నమిత స్పందించింది. విడాకులు అంటూ వస్తున్న వార్తల్లో ఎలాంటి నిజం లేదని స్పష్టం చేసింది. ” ఇలాంటి పుకార్లు రావడం సహజమే. నేను ఇలాంటి వార్తలు వస్తాయని తెలిసే.. నా భర్తతో ఉన్న ఫోటోలను సోషల్ మీడియాలో షేర్ చేస్తూ ఉంటాను. అయినా కూడా విడాకులు అని వార్తలు పుట్టిస్తున్నారు. నటిగా నేను ఇప్పటివరకు ఎన్నో రూమర్స్ ను విన్నాను.. వాటిని ఎదుర్కొన్నాను. ఇక ఈ విడాకుల వార్తలు విని నేను నా భర్త నవ్వుకున్నాం” అంటూ తెలిపింది. ప్రస్తుతం నమిత వ్యాఖ్యలు నెట్టింట వైరల్ గా మారాయి. నమిత వ్యాఖ్యలు విన్న ఆమె అభిమానులు మీరుఇలాంటి వార్తలు పట్టించుకోకండి.. హ్యాపీగా ఉండండి అంటూ కామెంట్స్ పెడుతున్నారు.
Share
PM Modi Reveals Key Points: మోదీ ఇంటర్వ్యూ.. బెంగాల్‌లో భారీగా.. ఒడిషాలో మాదే పైచేయి.. కాకపోతే..!
Nandyal Assembly Constituency: నంద్యాల నియోజకవర్గంలో పుష్ప పవర్ ఎంత..? శిల్పా లెక్క మారిందా..?
