Aa Okkati Adakku: సర్లే.. నరేష్ అన్నా.. నీ కామెడీ కోసం ఆ మాత్రం ఆగలేమా.. ?

Aa Okkati Adakku: కామెడీ కింగ్ గా పేరు తెచ్చుకున్న అల్లరి నరేష్.. గత కొంతకాలంగా తన పంథా మార్చుకొని సీరియస్ పాత్రలు చేస్తూ వస్తున్నాడు. ఉగ్రం, మారేడుమిల్లి నియోజకవర్గం.. ఇలా చేసిన సినిమాలు పాజిటివ్ టాక్ ను అయితే అందుకున్నాయి కానీ, విజయాలను మాత్రం అందించలేదు. దీంతో నరేష్ బ్యాక్ టూ కామెడీకి వెళ్ళిపోయాడు. ఇక నరేష్ నటిస్తున్న తాజా చిత్రం ఆ ఒక్కటీ అడక్కు.

అప్పట్లో నరేష్ తండ్రి ఈవీవీ సత్యనారాయణ దర్శకత్వంలో వచ్చిన ఆ ఒక్కటీ అడక్కు సినిమా ఏ రేంజ్ హిట్ అయ్యిందో ప్రత్యేకంగా చెప్పాల్సిన అవసరం లేదు. ఇప్పుడు ఆ టైటిల్ తో నరేష్ ప్రేక్షకుల ముందుకు రానున్నాడు. మల్లి అంకం దర్శకత్వం వహించిన ఈ సినిమాను చిలక ప్రొడక్షన్స్ బ్యానర్ పై రాజీవ్ చిలక నిర్మిస్తున్నాడు. ఇక ఈ చిత్రంలో అల్లరి నరేష్ సరసన ఫరియా అబ్దుల్లా నటించింది. ఇప్పటికే ఈ చిత్రం నుంచి రిలీజైన పోస్టర్స్, టీజర్, సాంగ్స్ ప్రేక్షకులను విశేషంగా ఆకట్టుకున్నాయి.

30 ఏళ్లు దాటినా పెళ్లి కానీ ఒక యువకుడు పడిన బాధకు కామెడీ జోడించి వినోదాత్మకంగా ఈ సినిమాను తెరకెక్కించారు. ఎప్పటినుంచో ఈ సినిమా రిలీజ్ వాయిదాలు పడుతూనే ఉంది. ముందు మార్చి అన్నారు.. ఆ తరువాత ఏప్రిల్ అన్నారు. ఇక ఇప్పుడు ఏప్రిల్ నుంచి మే నెలకు వాయిదా పడిందని మేకర్స్ అధికారికంగా తెలిపారు.

మే 3 న ఆ ఒక్కటీ అడక్కు సినిమా రిలీజ్ అవుతుందని నరేష్ వీడియో ద్వారా తెలిపాడు. సినిమా వాయిదా పడినా కామెడీ మాత్రం నెక్స్ట్ లెవెల్ ఉంటుందని, అందరు చూసి ఎంజాయ్ చేస్తారని నరేష్ ధీమాగా చెప్పాడు. దీంతో.. సర్లే.. నరేష్ అన్నా.. నీ కామెడీ కోసం ఆ మాత్రం ఆగలేమా.. ? అని నెటిజన్స్ ఆయనకు సపోర్ట్ చేస్తున్నారు. మరి ఈ సినిమాతో నరేష్ ఎలాంటి విజయాన్ని అందుకుంటాడో చూడాలి.