Ram Pothineni: సంతోషం అన్నా.. ఇప్పటికైనా ప్రమోషన్స్ మొదలెట్టావ్

Ram Pothineni: ప్రస్తుతం సినిమా తీయడం ముఖ్యం కాదు. ఆ సినిమాను ప్రజల మధ్యకు తీసుకెళ్లడం ముఖ్యం. కొన్నిసార్లు అందులో విఫలమయ్యే ఎన్నో సినిమాలు ఫ్లాప్ టాక్ ను తెచ్చుకున్నాయి. ఇప్పుడు మేకర్స్ సినిమా కంటే ప్రమోషన్స్ కే ఎక్కువ ఖర్చుపెడుతున్నారు. అలాంటిది.. ఒక స్టార్ హీరో సినిమా వస్తుంది అంటే ఏ రేంజ్ లో ప్రమోషన్స్ ఉండాలి. కానీ, డబుల్ ఇస్మార్ట్ మాత్రం చడీచప్పుడు లేకుండా చప్పగా ప్రమోషన్స్ చేస్తుంది.

రామ్ పోతినేని, కావ్య థాపర్ జంటగా పూరి జగన్నాథ్ దర్శకత్వంలో తెరకెక్కుతున్న చిత్రం డబుల్ ఇస్మార్ట్. పూరి- ఛార్మీ కలిసి నిర్మించిన ఈ చిత్రం ఆగస్టు 15న రిలీజ్ కు రెడీ అవుతోంది. ఇప్పటివరకు ఈ సినిమా నుంచి రిలీజైన పోస్టర్స్, సాంగ్స్, ట్రైలర్ ప్రేక్షకులను బాగానే ఆకట్టుకున్నాయి. ఇక ఇంకో పది రోజుల్లో సినిమా పెట్టుకొని డబుల్ ఇస్మార్ట్ బృందం ఇంకా ప్రమోషన్స్ మొదలుపెట్టడం లేదు అనేది ఫ్యాన్స్ ఆవేదన. పోనీ, ఆ రోజు వేరే ఏ సినిమా లేకపోతే.. గుడ్డిలో మెల్ల అన్నట్లు రామ్ సినిమాకు వెళ్ళిపోయేవారు.

అయితే అదే రోజు రవితేజ మిస్టర్ బచ్చన్ కూడా రిలీజ్ కు రెడీ అవుతోంది. హరీష్ శంకర్ ఈ సినిమా ప్రమోషన్స్ జూలై నుంచే చేయడం మొదలుపెట్టాడు. వరుస ఇంటర్వ్యూలు.. సోషల్ మీడియాలో యాక్టివ్ గా ఉండడం, ఫ్రెండ్ షిప్ డే ఈవెంట్.. మెట్రోలో రవితేజ ఆడియో.. ఇలా డిఫరెంట్ గా ప్రమోషన్స్ స్టార్ట్ చేశారు. దీంతో అందరూ మిస్టర్ బచ్చన్ వైపు మొగ్గు చూపుతారు అని చెప్పడంలో ఆశ్చర్యంలేదు.

ఇకపోతే రామ్ మాత్రం ఇప్పటివరకు సైలెంట్ గా ఉండి.. ఇక నేటి నుంచి ఇంటర్వ్యూలు ఇవ్వడం మొదలు పెట్టాడు. తాజాగా రామ్, కావ్య థాపర్, గెటప్ శ్రీను స్పెషల్ ఇంటర్వ్యూ ప్రోమోను రిలీజ్ చేశారు. ఇక ఈ ప్రోమో నెట్టింట వైరల్ గా మారింది. రేపు ఫుల్ ఇంటర్వ్యూ రిలీజ్ కానుంది. దీంతో రామ్ ఫ్యాన్స్.. సంతోషం అన్నా.. ఇప్పటికైనా ప్రమోషన్స్ మొదలెట్టావ్ అని కామెంట్స్ పెడుతున్నారు. మరి ఆగస్టు 15 న రవితేజ వర్సెస్ రామ్.. ఎవరు గెలుస్తారో.. ఎవరు ఓడతారో చూడాలంటే ఇంకొన్ని రోజులు ఆగాల్సిందే.

An iSmart conversation in a Massy Setup awaits you 🛺🥳

An Exciting Chit-Chat from #DoubleiSmart coming very soon 😍✨

— https://t.co/0PvTG1ZCPM #DoubleiSmartOnAug15

Ustaad @ramsayz @KavyaThapar #PuriJagannadh @Charmmeofficial @duttsanjay #ManiSharma @getupsrinu3… pic.twitter.com/y6Hv55Hl21

— Puri Connects (@PuriConnects) August 5, 2024