Rana Naidu 2: విక్టరీ వెంకటేష్, రానా దగ్గుబాటి మల్టీస్టారర్ గా తెరకెక్కిన సిరీస్ రానా నాయుడు. నెట్ ఫ్లిక్స్ ఎంతో ప్రతిష్టాత్మకంగా ఈ సిరీస్ ను నిర్మించింది. సుపర్ణ్ వర్మ, కరణ్ అన్షుమాన్ దర్శకత్వం వహించిన ఈ సిరీస్ గతేడాది మార్చ్ లో రిలీజ్ అయ్యి మంచి విజయాన్ని అందుకుంది.
అమెరికన్ టీవీ సిరీస్ రే డొనోవన్‌ కు రీమేక్‌ గా ఈ సిరీస్ తెరకెక్కింది. ఇందులో తండ్రీకొడుకులుగా వెంకీ, రానా నటించారు. ఫ్యామిలీ సినిమాలలో మాత్రమే కనిపించే వెంకటేష్.. ఇలాంటి బోల్డ్ సిరీస్ లో నటించడంతో చాలావరకు విమర్శలను అందుకున్నాడు. అయినా కూడా ఆ విమర్శలను లెక్కచేయకుండా వెంకీ.. రానా నాయుడు సీజన్ 2 కోసం రెడీ అయ్యాడు.
ఎప్పటినుంచో ఈ సిరీస్ కు సెకండ్ సీజన్ ఉందని వార్తలు వస్తున్న విషయం తెల్సిందే. ఇక ఎట్టకేలకు ఈ సిరీస్ కు సెకండ్ సీజన్ మొదలయ్యింది. ఈ విషయాన్నీ మేకర్స్ అధికారికంగా తెలిపారు. ఈరోజు నుంచి రానా నాయుడు 2 షూటింగ్ మొదలయ్యిందని ఒక వీడియో క్లిప్ ద్వారా తెలిపారు. ఇందులో రానా యాక్షన్ సీక్వెన్స్ లో పాల్గొన్నట్లు కనిపిస్తుంది.
ఇక ఈసారి వెంకీ, రానాలతో పాటు అర్జున్ రాంపాల్ కూడా చేతులు కలిపాడు. రానా నాయుడు.. ఈసారి అంతకు మించి ఉండనున్నట్లు తెలుస్తోంది. మొదటి సీజన్ లో వెంకీ గతాన్ని పూర్తిగా చూపించలేదు. ఈసారి యాక్షన్ పార్ట్ మరింత ఎక్కువ ఉండనున్నట్లు తెలుస్తోంది. మరి ఈసారి బాబాయ్- అబ్బాయ్ లు ప్రేక్షకులను ఎలా మెప్పిస్తారో చూడాలి.
https://twitter.com/NetflixIndia/status/1815620831671648542
Share
Gold and Silver Prices Fall: బంగారం కొంటున్నారా..? అయితే ఈ భారీ శుభవార్త మీ కోసమే..
Blackheads Removal Tips: బ్లాక్‌హెడ్స్ తో ఇబ్బంది పడుతున్నారా..? అయితే ఈ టిప్స్ మీ కోసమే
