Artist Hema Released Video: నేను హైదరాబాద్ లోనే ఉన్నాను.. నాకు ఏ రేవ్ పార్టీతో సంబంధం లేదు: నటి హేమ!

Artist Hema Released a Video related to Rave Party Busted in Bengaluru: బెంగళూరు ఎలక్ట్రానిక్ సినీ సమీపంలోని జీ.ఆర్ ఫామ్ హౌస్‌లో భారీ రేవ్ పార్టీ జరిగింది. ఈ రేవ్ పార్టీపై సిసిబి అధికారులు అకస్మాత్తుగా దాడులు నిర్వహించారు. అయితే వారు నిర్వహించిన ఈ రేవ్ పార్టీ దాడుల్లో ఓ తెలుగు నటి పట్టుబడినట్లు తెలుస్తోంది. ఆ పార్టీలో పాల్గొన్న నటిని పోలీసులు అదుపులోకి తీసుకున్నట్లు చెబుతున్నారు. అయితే ఈ పార్టీలో ఆమెతో పాటు మరికొంతమంది నటులు కూడా రేవ్ పార్టీలో ఉన్నట్లు తెలుస్తోంది.

ఆ స్పార్ట్‌లో ఏపీకి చెందిన ఓ ఎమ్మెల్యే స్టిక్కరున్న కారును సైతం పోలీసులు స్వాధీనం చేసుకున్నారు. అయితే ఈ పార్టీలో పోలీసులు భారీగా డ్రగ్స్‌ను స్వాధీనం చేసుకున్నారు. అందులో 17 ఎండీఎంఏ ట్యాబ్లెట్లు, అలాగే కొకైన్ వంటి మత్తు పదార్థాలను స్వాధీనం చేసుకున్నారు. అయితే ఈ పార్టీలో దాదాపు రెండు రాష్ట్రాలకు సంబంధించి మొత్తం 100 మందికి పైగా పాల్గొన్నట్లు తెలుస్తోంది.

అంతేకాకుండా ఇందులో 25 మందికి పైగా యువతులే ఉన్నట్లు జోరుగా వార్తలు వినిపిస్తున్నాయి. కాగా ఈ పార్టీని తెలంగాణకు చెందిన వాసు అనే వ్యక్తి నిర్వహించినట్లు చెబుతున్నారు. అయితే ఈ పార్టీలో సీనియర్ నటి క్యారెక్టర్ ఆర్టిస్ట్ హేమ కూడా ఉందని.. ఆమెను కూడా పోలీసులు అదుపులోకి తీసుకున్నట్లు వార్తలు జోరుగా సాగుతున్నాయి. ఈ వార్తలు బాగా వైరల్ కావడంతో నటి హేమ సోషల్ మీడియా ద్వారా స్పందించింది. ఈ మేరకు ఓ వీడియో రిలీజ్ చేసింది. అందులో ‘‘నేను అన్ని ఆన్‌లైన్‌లోనూ ఉన్నాను. నేను మంచిగా ఫామ్ హౌజ్‌లో ఎంజాయ్ చేస్తున్నాను. నా మీద ఫేక్ న్యూస్ వస్తుంది. నేను ఎక్కడికి వెళ్లలేదు. నేను హైదరాబాద్‌లోనే ఉన్నాను.

Also Read: బెంగుళూరులో రేవ్ పార్టీ, టాలీవుడ్ నటీనటులు, ఏపీ మంత్రి కారు కూడా..

ఒక ఫామ్ హౌస్‌లో ఎంజాయ్ చేస్తున్నాను. సో నా మీద వచ్చేదంతా ఫేక్ న్యూస్. ఆ పార్టీలో ఎవరు ఉన్నారు అనేది నాకు తెలియదు. అవన్నీ నమ్మొద్దు’’ అంటూ ఆ వీడియోలో తెలిపింది. దీంతో ఈ పార్టీకి ఆమె హాజరయ్యారు అనే వార్తలకు చెక్ పడింది. మరి ఈ పార్టీలో పాల్గొన్న ఆ నటీ నటులు ఎవరో తెలియాలంటే కాస్త వెయిట్ చేయాల్సిందే.

*సినీ నటి హేమ*#hema #raveparty #trending
నేను హైదరాబాద్ లోనే ఉన్నాను
నాకు బెంగుళూరు రేవ్ పార్టీ తో సంబంధం లేదు
అనవసరంగా నన్ను లాగుతున్నారు
కన్నడ మీడియా, సోషల్ మీడియాలో వస్తున్న వార్తల్లో నిజం లేదు pic.twitter.com/6C1FSpgr66

— FILM JOURNALIST VENKAT (@CinemaPosts) May 20, 2024

Share

• 
• 
• 
• 
• 
•