Bhanu Sri Mehra: స్టైలీష్ స్టార్ అల్లు అర్జున్ నటించిన వరుడు సినిమాతో ఇండస్ట్రీలోకి అడుగుపెట్టింది భానుశ్రీ. ఆ సినిమా పాజిటీవ్ టాక్ తెచ్చుకున్నప్పటికీ భానుశ్రీకి అంతగా క్రేజ్ రాలేదు. దీంతో ఆమెకు అవకాశాలు కూడా పెద్దగా దక్కలేదు. ఈక్రమంలో కొంతకాలం సినిమాలకు బ్రేక్ తీసుకున్న భాను.. ఇప్పుడిప్పుడే తిరిగి మళ్లీ నటిస్తోంది. సైడ్ హీరోయిన క్యారెక్టర్లలో ఎక్కువగా నటిస్తోంది.
ఇదిలా ఉంటే అల్లు అర్జున్ తనను ట్విట్టర్‌లో బ్లాక్ చేశాడంటూ ట్వీట్ చేసింది భాను. దీంతో వారిద్దరి మధ్యలో ఏమైందంటూ నెటిజన్లు చర్చించుకున్నారు. మళ్లీ కొంత సమయానికే తనను అన్‌బ్లాక్ చేశాడంటూ మళ్లీ భాను పోస్ట్ చేసింది. దీంతో ఫ్యాన్స్ కన్‌ఫ్యూజ్ అయ్యారు. భానుశ్రీపై మండిపడ్డారు. అల్లు అర్జున్‌ను టార్గెట్ చేసి, బ్లేమ్ చేసేందుకే ఇలా ట్వీట్లు చేసిందంటూ ఫైర్ అయ్యారు.
ఇక దీనిపై మరోసారి క్లారిటీ ఇచ్చింది భానుశ్రీ. ‘‘ఫ్యాన్స్‌ను హర్ట్ చేసేందుకు నేను అలా ట్వీట్ చేయలేదు. నేను కూడా బన్నీకి పెద్ద ఫ్యాన్‌ని. నా కెరీర్‌ను, బాధలను చూసి నేనే నవ్వుకుంటున్నాను. ప్రేమను పంచుదాం.. ద్వేశాన్ని వద్దు’’ అంటూ ట్వీట్ చేసింది.ప్రస్తుతం ఈ ట్వీట్ సోషల్ మీడియాలో వైరలవుతోంది.
Share
Tiger-Donkey: పులి గాడిద స్టోరీ.. నేటి రాజకీయాలకు సరైన నీతి..!
Jagan: ఎమ్మెల్సీ ఓటమితో జగన్‌ ఫ్రస్టేషన్ పీక్స్‌కు!?
