Harsha Sai: బిగ్ బాస్ బ్యూటీపై హర్షసాయి అత్యాచారం.. వాడుకొని వదిలేశాడు

Harsha Sai: ప్రముఖ యూట్యూబర్ హర్షసాయి గురించి తెలుగు ప్రేక్షకులకు ప్రత్యేకంగా చెప్పాల్సిన అవసరం లేదు. కష్టం అన్న వారికీ, కష్టంలో ఉన్న వారికీ సహాయం చేస్తూ వాటిని వీడియోలు తీసి యూట్యూబ్ లో పెడుతూ లక్షలు సంపాదిస్తున్నాడు. అసలు అతనికి ఇంత డబ్బు ఎక్కడ నుంచి వస్తుంది అనే విషయంపై ఎన్ని అనుమానాలు ఉన్నాయి. ఇక ఇప్పుడు వాటికి సమాధానంగా.. అమ్మాయిలను మోసం చేసి డబ్బు సంపాదిస్తున్నాడని తెలుస్తోంది.

హర్ష సాయిపై నార్సింగి పోలీస్ స్టేషన్ లో కేసు నమోదు అయ్యింది. ఒక యువతీ హర్ష సాయి తనను పెళ్లి పేరుతో మోసం చేశాడని, రెండు కోట్లు తీసుకొని వాడుకున్నాడని ఫిర్యాదులో పేర్కొంది. ఆ అమ్మాయి కూడా తెలుగువారికి సుపరిచితమే. నిర్మాతగా మారడానికి ఆమె ముంబై నుంచి హైదరాబాద్ కు వచ్చింది. అందం, అభినయం ఉండడంతో కొన్ని సినిమాల్లో హీరోయిన్ గా కూడా నటించింది. ఇక ఆ గుర్తింపుతోనే బిగ్ బాస్ ఓటీటీ లో కంటెస్టెంట్ గా పాల్గొంది. అక్కడ కూడా ఆమె తన సత్తా చాటింది.

ఇక డబ్బుకు ఎలాంటి కొదువ లేదు.. కానీ, పేరు తెచ్చుకోవడానికి మాత్రమే బిగ్ బాస్ కు వచ్చిన ఈ భామ.. షో అనంతరం, హర్ష సాయిని కలిసింది. అతనితో ఒక సినిమా కూడా ప్లాన్ చేసింది. ఆ సినిమా పేరే మెగా. ఈ సినిమా టీజర్ కు మంచి గుర్తింపు వచ్చింది. త్వరలోనే ఈ చిత్రం రిలీజ్ అవుతుంది అనుకొనేలోపు.. హర్ష సాయి నిజ స్వరూపాన్ని బిగ్ బాస్ బ్యూటీ బయటపెట్టింది.

పెళ్లి చేసుకుంటా అని నమ్మించి రూ . కోట్లు తీసుకున్నాడని, అతడిని సపోర్ట్ గా అతని తండ్రి కూడా ఉన్నాడని తెలిపింది. తనను పెళ్లి చేసుకుంటానని మోసం చేసి అత్యాచారం కూడా చేశాడని, తనను వాడుకొని వదిలేశాడని ఆమె తెలిపింది. ఇక హర్ష సాయిపై పోలీసులు నాలుగు సెక్షన్స్ కింద కేస్ నమోదు చేశారు. మరి ఈ ఫిర్యాదుపై హర్ష సాయి ఎలా స్పందిస్తాడు అనేది చూడాలి.