Love Mouli: ఓటీటీలోకి వచ్చేసిన బోల్డ్ మూవీ.. ఇంట్లో వాళ్ళతో చూసేరు.. తాట తీస్తారు

Love Mouli: యంగ్ హీరో నవదీప్ ఒకపక్క హీరోగా ..ఇంకోపక్క సపోర్టింగ్ రోల్స్ చేస్తున్న విషయం తెల్సిందే. చాలా గ్యాప్ తరువాత నవదీప్.. హీరోగా తెరకెక్కిన చిత్రం లవ్ మౌళి. అవనీంద్ర దర్శకత్వం వహించిన ఈ చిత్రంలో నవదీప్ సరసన పంఘరి గిద్వాని నటించింది. ఈ సినిమా మొదటి పోస్టర్ రిలీజ్ అప్పటినుంచే హైప్ క్రియేట్ చేసుకుంది.

నవదీప్ లుక్, హీరోయిన్ తో రొమాన్స్ .. ఇలా ఒకదాని తరువాత ఒకటి రిలీజ్ చేస్తూ ప్రేక్షకులకు మంచి హైప్ ఇచ్చిన ఈ సినిమా జూన్ 7 న ప్రేక్షకుల ముందుకు వచ్చింది. బోల్డ్ కంటెంట్ తో ఉన్నా కూడా ప్రేక్షకులు ఎందుకో ఈ సినిమాను ఆదరించలేకపోయారు. ఇక దాదాపు 20 రోజుల తరువాత ఈ సినిమా ఓటీటీ బాట పట్టింది. ఎప్పటినుంచో లవ్ మౌళి ఓటీటీ హక్కులను ఆహా సొంతం చేసుకున్న విషయం తెల్సిందే.

మొన్నటివరకు స్ట్రీమింగ్ డేట్ చెప్పకుండా పోస్టర్లు వదిలిన ఆహా, తాజాగా లవ్ మౌళి స్ట్రీమింగ్ డేట్ ను చెప్పుకొచ్చింది. జూన్ 27 నుంచి లవ్ మౌళి ఆహా లో స్ట్రీమింగ్ కానున్నట్లు మేకర్స్ తెలిపారు. ఇక ఈ సినిమాలో హీరో రానా దగ్గుబాటి ఒక ప్రత్యేక పాత్రలో నటించి మెప్పించాడు.

థియేటర్ లో రానాను చూసి అభిమానులు ఖంగు తిన్నారు. నవదీప్ యాక్టింగ్ బావున్నా.. కంటెంట్ కొద్దిగా తేడా కొట్టడంతో మిక్స్డ్ టాక్ అందుకుంది. ఇక ఈ పోస్టర్ కింద అభిమానులు తమదైన రీతిలో కామెంట్స్ పెడుతున్నారు. కుటుంబ కథా చిత్రం అనుకోని ఇంట్లో వాళ్ళతో కలిసి చూడకండి రా .. తాట తీస్తారు అంటూ కామెంట్స్ పెడుతున్నారు. మరి థియేటర్ లో మిక్స్డ్ టాక్ అందుకున్న ఈ చిత్రం ఓటీటీలో ఎలాంటి రిజల్ట్ ను అందుకుంటుందో చూడాలి.