Varun Dhawan: తండ్రి కాబోతున్న బాలీవుడ్ స్టార్‌ హీరో.. సమంత విషెస్‌!

Samantha Wishes to Bollywood Hero Varun Dhawan: బాలీవుడ్‌లో తనకంటూ ప్రత్యేక గుర్తింపు సంపాదించుకున్న నటుడు వరుణ్ ధావన్ తాజాగా తమ అభిమానులకు అదిరిపోయే శుభవార్త అందించాడు. త్వరలో అతడు తండ్రి కాబోతున్నట్లు సోషల్ మీడియా ద్వారా పంచుకున్నాడు. ఈ విషయాన్ని తెలుపుతూ.. బ్లాక్ అండ్ వైట్ ఫొటోను షేర్ చేస్తూ తమ అభిమానులకు సర్ప్రైజ్ అందించాడు.

తన భార్య నాటాషా గర్భం దాల్చిందంటూ వరుణ్ స్వయంగా తమ ఫ్యాన్స్‌కు తెలిపాడు. ఇక వరుణ్ షేర్ చేసిన ఫొటోలో నటాషా తన బేబీ బంప్‌ను చూపిస్తూ కనిపించింది.

అయితే ఆ ఫొటోలో వరుణ్ తన భార్య బేబీ బంప్‌పై ముద్దు పెట్టుకోవడం చూడవచ్చు. ప్రస్తుతం ఈ పోస్ట్ వైరల్‌గా మారింది. దీంతో అభిమానులతో పాటు పలువురు సెలబ్రెటీలు కూడా ఈ జంటకు ప్రత్యేక శుభాకాంక్షలు తెలియజేస్తున్నారు.

దర్శక నిర్మాత కరణ్ జోహార్, మలైక ఆరోరా, మనీష్ పాల్, అర్జున్ కపూర్‌తో పాటు మరెందరో ఈ జంటకు విషెస్ తెలిపింది. అయితే తాజాగా మరో హీరోయిన్‌ సమంత వరుణ్ దంపతులకు కంగ్రాట్స్ తెలిపింది. ‘ఓ మై గాడ్.. బెస్ట్ న్యూస్’ అంటూ కామెంట్ చేసింది.

ఇక వరుణ్ సినిమాల విషయానికొస్తే.. వరుణ్ ధావన్, సమంత కలిసి ‘సిటాడెల్’ వెబ్‌సిరీస్‌లో నటిస్తున్నారు. రాజ్ అండ్ డీకే ఈ సిరీస్‌కి దర్శకత్వం వహిస్తున్నారు. ప్రస్తుతం ఈ సిరీస్ షూటింగ్ పూర్తి కాగా.. పోస్ట్ ప్రొడక్షన్ పనుల్లో బిజీగా ఉంది.