Akshay Kumar: కెనడా పౌరసత్వం అందుకే తీసుకున్నా: అక్షయ్ కుమార్

Akshay Kumar: బాలీవుడ్ స్టార్ హీరో అక్షయ్ కుమార్‌కు భారత్‌తో పాటు కెనడా పౌరసత్వం ఉన్న విషయం తెలిసిందే. అప్పట్లో ఈ విషయం పెద్ద చర్చనీయాంశమైంది. అక్షయ్‌పై పెద్ద ఎత్తున విమర్శలు వచ్చాయి. ఇప్పటికే పలు మార్లు అక్షయ్ కుమార్ తాను కెనడా పౌరసత్వాన్ని తీసుకోవడానికి గల కారణాలను వివరించారు. తాను భారతీయుడినని.. తన సర్వస్వం భారతదేశమేనని స్పష్టం చేశాడు. అయినా కూడా విమర్శలు వచ్చాయి.

ఈక్రమంలో ఓ షోలో పాల్గొన్న అక్షయ్ మరోసారి తాను కెనడా పౌరసత్వం తీసుకోవడానికి గల కారణాలను వెల్లడించారు. ‘‘1990లో ఇండస్ట్రీలో చాలా కష్టంగా ఉండేది. నేను నటించిన 15 సినిమాలు ఫ్లాప్ అయ్యాయి. విమర్శలు వచ్చాయి. ఇండస్ట్రీలో కంటిన్యూ అవ్వలేనని అనుకున్నాను. అప్పడే కెనడాలో ఉండే నా ఫ్రెండ్ ఓ సలహా ఇచ్చాడు. అక్కడి వచ్చి ఏదైనా పని చేసుకోమని. అందుకే కెనడా పాస్‌పోర్టుతో పాటు అక్కడి పౌరసత్వం కోసం అప్లై చేసుకున్నా. అదే సమయంలో అదృష్టం కలిసొచ్చి నేను నటించిన రెండు సినిమాలు సక్సెస్ అయ్యాయి. తిరిగి గుర్తింపు లభించింది.

దీంతో మళ్లీ ఇండియాకు వచ్చి సినిమాలపై ఫోకస్ పెట్టాను. ఇది అసలు జరిగిన విషయం. ఇది తెలియకుండా చాలా మంది నాపై విమర్శలు చేస్తున్నారు. అప్పుడు చాలా బాధేస్తుంది’’ అంటూ వెల్లడించారు అక్షయ్ కుమార్.

Share

• 
• 
• 
• 
• 
•