Chiranjeevi: దర్శకధీరుడు రాజమౌళి తెరకెక్కించిన ‘ఆర్ఆర్ఆర్’ సినిమా ఎంతటి ప్రభంజనం సృష్టించిందో అందరికీ తెలిసిందే. రామ్‌చరణ్, జూ. ఎన్టీఆర్ కాంబినేషన్‌లో వచ్చిన ఈమూవీ బాక్సాఫీస్ వద్ద భారీ విజయం సాధించింది. హాలీవుడ్ ప్రేక్షకులు సైతం ఈ మూవీకి ఫిదా అయిపోయారు. ప్రపంచవ్యాప్తంగా ఉన్న సినీ ప్రముఖులు ఈ చిత్రంపై ప్రశంసల వర్షం కురిపిస్తున్నారు.
ఇటీవల ఈ మూవీపై అవతార్ డైరెక్టర్ జేమ్స్ కామెరూన్ కూడా ప్రశంసలు కురిపించిన విషయం తెలిసిందే. ‘ఆర్ఆర్ఆర్’ ఒక అద్భుత చిత్రమని కొనియాడారు. సినిమాలోని క్యారెక్టర్స్, వీఎఫ్ఎక్స్, స్టోరీ నరేషన్ అంతా షేక్‌స్పియర్ క్లాసిక్‌లా అనిపించిందని వెల్లడించారు. సినిమాలో రామ్ చరణ్‌ది ఛాలెంజింగ్ పాత్ర అని అన్నారు.
తాజాగా దీనిపై రామ్‌చరణ్ తండ్రి మెగాస్టార్ చిరంజీవి స్పందించారు. రామ్ చరణ్ పాత్రను జేమ్స్ కామెరూన్ సర్ ప్రస్తావిస్తూ మాట్లాడటం ఎంతో సంతోషంగా ఉందని వెల్లడించారు. ఆయన అభినందనల ముందు ఆస్కార్ కూడా చిన్నదేనన్నారు. ఒక తండ్రిగా రామ్ చరణ్‌ను చూసి గర్వపడుతున్నానని వెల్లడించారు. ప్రస్తుతం చిరంజీవి చేసిన ట్వీట్ సోషల్ మీడియాలో వైరలవుతోంది.
Share
Cheetah: భారత్కు చేరుకున్న మరో 12 చీతాలు..
America: మరోసారి పేలిన తూటా.. ఆరుగురు దుర్మరణం.. ఏడాదిలో 73వ ఘటన
