Vikram Thangalaan Movie Release Date(Cinema news in telugu): కోలీవుడ్ స్టార్ హీరో చియాన్ విక్రమ్. ఈ హీరో తెలుగు ప్రేక్షకులకు సుపరిచితమే. ఎన్నో చిత్రాలు తెలుగులో చేసి బ్లాక్ బస్టర్ హిట్లు అందుకున్నాడు. అంతేకాకుండా టాలీవుడ్‌లో తనకంటూ ప్రత్యేక ఫ్యాన్ ఫాలోయింగ్ ఏర్పాటు చేసుకున్నాడు. కాగా విక్రమ్ ఇప్పుడు పలు పాన్ ఇండియా సినిమాలతో బిజీబిజీగా ఉన్నాడు. అందులో పీరియాడిక్ యాక్షన్ మూవీ ‘తంగలాన్’ చేస్తున్నాడు.
ఈ చిత్రాన్ని ప్రముఖ దర్శకుడు పా రంజిత్ తెరకెక్కిస్తున్నాడు. ఇందులో విక్రమ్ డిఫరెంట్ షేడ్స్‌లో కనిపించబోతున్నాడు. జియో స్టూడియోస్, స్టూడియో గ్రీన్ బ్యానర్స్ పై నిర్మాత కేఈ జ్ఞానవేల్ రాజా ఈ చిత్రాన్ని భారీ స్థాయిలో నిర్మిస్తున్నారు. ఈ సినిమాపై ప్రేక్షకాభిమానుల్లో అంచనాలు ఓ రేంజ్‌లో ఉన్నాయి. అందుకు విక్రమ్ డిఫరెంట్ లుక్సే కారణమని చెప్పుకోవచ్చు. ఎందుకంటే ఇందులో విక్రమ్ ఒక యోధుడిలా కనిపిస్తున్నాడు.
ఈ చిత్రాన్ని కర్ణాటకలోని కోలార్ గోల్డ్ ఫీల్డ్స్‌లో నివాసుల కథగా దర్శకుడు తెరకెక్కిస్తున్నాడు. ఇందులో మాళవిక మోహనన్, పార్వతి, పశుపతి, హరికృష్ణ, డేనియల్ కాల్టిగన్‌రోన్ వంటి నటీ నటులు కీలక పాత్రలు పోషిస్తున్నారు. ఇప్పటికే ఈ సినిమా నుంచి విడుదలైన పోస్టర్లు, టీజర్ గ్లింప్స్ సినీ ప్రియులు, అభిమానుల్లో ఫుల్ హైప్ క్రియేట్ చేశాయి. ముఖ్యంగా టీజర్ గ్లింప్స్‌లో విక్రమ్ లుక్‌కి ఫిదా అయిపోయారు.
Also Read: అఘోరాలా దర్శనమిచ్చిన చియాన్ విక్రమ్.. ఆకట్టుకుంటున్న తంగ‌ల‌న్‌ ఫస్ట్ లుక్..
దీంతో ఈ మూవీ ఎప్పుడెప్పుడు రిలీజ్ అవుతుందా అని కళ్లు కాయలు కాచేలా ఎదురుచూస్తున్నారు. ఈ నేపథ్యంలో తాజాగా ఈ మూవీ కొత్త రిలీజ్ డేట్‌ను మేకర్స్ వెల్లడించారు. ముందుగా ఈ చిత్రాన్ని ఈ ఏడాది సంక్రాంతి సందర్భంగా జనవరి 26న రిలీజ్ చేయాలని ప్రకటించారు. కానీ రిలీజ్‌కు దగ్గర్లో ఈ మూవీ రిలీజ్‌ని వాయిదా వేస్తున్నట్లు తెలిపారు. ఆ తర్వత కొత్త పోస్టర్ రిలీజ్ చేస్తూ సంక్రాంతి శుభాకాంక్షలు తెలిపారు.
అనంతరం ఈ చిత్రాన్ని సమ్మర్‌ హాలీడేస్ సందర్భంగా ఏప్రిల్ నెలలో రిలీజ్ చేస్తామని మేకర్స్ తెలిపారు. ఆ రిలీజ్ డేట్‌ను కూడా పోస్ట్ పోన్ చేశారు. ఇప్పుడు మరొక కొత్త రిలీజ్ డేట్‌ను అనౌన్స్ చేశారు. ఈ సారి ఆగస్టు 15న ఈ చిత్రాన్ని రిలీజ్ చేస్తున్నట్లు వెల్లడించారు. అల్లు అర్జున్ పుష్ప 2 సినిమా రిలీజ్ వాయిదా పడటంతో ఇప్పుడు విక్రమ్ తంగలాన్ సినిమాను ఆ డేట్‌న రిలీజ్ చేయనున్నట్లు తెలిపారు. ఇందులో భాగంగా ఈ సినిమా నుంచి ఓ కొత్త పోస్టర్‌ను రిలీజ్ చేశారు.
#Vikram – #Thangalaan – AUG 15th Release 🥵🥵🔥🔥🔥 pic.twitter.com/wF6jFh1RcW
— GetsCinema (@GetsCinema) June 30, 2024
Share
Vidadala Rajini: "వసూళ్ల" విడదల.. మేడం సార్.. మేడం అంతే..
New criminal laws First case registered: కొత్త చట్టం పవర్, రాజధానిలో తొలి కేసు కాదు, గ్వాలియర్‌లో..
