Deepika Padukone: మరో వారం రోజుల్లో కల్కి2898AD ప్రేక్షకుల ముందుకు రానుంది. ఎప్పుడెప్పుడు ఈ సినిమా రిలీజ్ అవుతుందా అని అభిమానులు వెయ్యి కళ్ళతో ఎదురుచూస్తున్నారు. ఎన్నో వాయిదాల తరువాత చివరకు జూన్ 27 న ఈ సినిమా ప్రేక్షకుల ముందుకు రానుంది. ప్రభాస్ హీరోగా నటిస్తున్న ఈ చిత్రానికి నాగ్ అశ్విన్ దర్శకత్వం వహిస్తుండగా.. వైజయంతీ మూవీస్ బ్యానర్ పై అశ్వినీదత్ నిర్మిస్తున్నాడు. ఇక ఈ సినిమాతో బాలీవుడ్ స్టార్ హీరోయిన్ దీపికా పదుకొనే తెలుగుతెరకు పరిచయం కానుంది.
ఇప్పటికే కల్కి నుంచి రిలీజైన పోస్టర్స్, ట్రైలర్, సాంగ్ ప్రేక్షకులను విశేషంగా ఆకట్టుకున్నాయి. రిలీజ్ డేట్ దగ్గరపడుతుండటంతో ప్రమోషన్స్ మొదలుపెట్టిన మేకర్స్.. నిన్న ముంబైలో ప్రీ రిలీజ్ ఈవెంట్ ను నిర్వహించిన విషయం తెల్సిందే. రానా దగ్గుబాటి హోస్ట్ గా వ్యవహరించిన ఈ ఈవెంట్ కు ప్రభాస్, కమల్ హాసన్, అమితాబ్ బచ్చన్, నాగ్ అశ్విన్ తో పాటు హీరోయిన్ దీపికా పదుకొనే కూడా హాజరయ్యింది. బేబీ బంప్ తో కూడా ఆమె ప్రమోషన్స్ కు విచ్చేసి ఆశ్చర్యపరిచింది.
ఇక ఆమె ఈ ఈవెంట్ మొత్తానికి స్ట్రాప్ ఎట్రాక్షన్ గా మారింది. బ్లాక్ కలర్ డ్రెస్ లో ఎంతో సింపుల్ గా కనిపించింది. అయితే ఈ ఈవెంట్ లో అందరి చూపు మాత్రం దీపికా చేతి మీద పడింది. ఎందుకంటే ఆమె చేతికి ఉన్న బ్రాస్ లెట్ ఖరీదు అలా ఉంది మరి. కార్టియర్ బ్రాండ్ కి చెందిన ట్రిపుల్ డైమండ్ బ్రాస్లెట్ ను ధరించింది. ఈ బ్రాస్ లెట్ ను 18 క్యారెట్ తెల్ల బంగారంతో రూపొందించారట. దీని ధర అక్షరాలా.. రూ. 1.16 కోట్లు ఉంటుందని సమాచారం.
ఇక ఈ ధర విని అభిమానులు కళ్ళు తేలేస్తున్నారు. ఈ ఏడాది అత్యధిక పారితోషికం అందుకుంటున్న హీరోయిన్స్ లిస్ట్ లో దీపికానే మొదటి స్థానంలో ఉంది. ఒక్కో సినిమాకు ఆమె రూ. 20 కోట్లు తీసుకుంటుంది. అంతలా సంపాదించే దీపికాకు ఈ రూ. 1.16 కోట్ల బ్రాస్ లెట్ ఒక లెక్క అని అభిమానులు కామెంట్స్ పెడుతున్నారు. ప్రస్తుతం ఈ ఫోటోలు నెట్టింట వైరల్ గా మారాయి. మరి ఈ సినిమాతో దీపికా తెలుగులో ఎలాంటి విజయాన్ని అందుకుంటుందో చూడాలి.
Share
Sharad Pawar: లోక్సభలో ప్రతిపక్ష నేత ఎవరనేది కాంగ్రెస్ నిర్ణయం: శరద్ పవార్
Deepika Rangaraju: బిగ్ బాస్ 8 కు బ్రహ్మముడి కావ్య.. అసలు నిజం చెప్పేసిందిగా
