OG Movie: అనుకున్నదే అయ్యింది.. OG వాయిదా.. ?

OG Movie: పవర్ స్టార్ పవన్ కళ్యాణ్ ఫ్యాన్స్ ఎంతగానో ఎదురుచూస్తున్న సినిమాల్లో OG ఒకటి. కుర్ర డైరెక్టర్ సుజీత్ దర్శకత్వంలో తెరకెక్కుతున్న ఈ సినిమాను డివివి దానయ్య ప్రతిష్టాత్మకంగా నిర్మిస్తున్నాడు. ఈ చిత్రంలో పవన్ సరసన ప్రియాంక మోహన్ నటిస్తుండగా.. బాలీవుడ్ రొమాంటిక్ హీరో ఇమ్రాన్ హష్మీ విలన్ గా కనిపించబోతున్నాడు. ఈ సినిమాలో పవన్ ఒరిజినల్ గ్యాంగ్ స్టర్ గా కనిపించబోతున్నాడు.

ఇప్పటికే ఈ సినిమా నుంచి రిలీజైన పోస్టర్స్, టీజర్ ప్రేక్షకులను విశేషంగా ఆకట్టుకుంటుంది. రాజకీయాలను పక్కన పెట్టి మరీ పవన్.. ఈ సినిమాను త్వరగా ఫినిష్ చేశాడు. అంటే సగానికి పైగా సినిమా షూట్ పూర్తి అయ్యినట్లు సమాచారం. మిగతా సగం ఎన్నికల ఫలితాలు వచ్చాకా జరగనుంది. మొదటి నుంచే ఈ సినిమా సెప్టెంబర్ 27 న రిలీజ్ అవుతుందని మేకర్స్ ప్రకటిస్తూ వస్తున్నారు.

బ్రో సినిమా తరువాత పవన్ వెండితెరపై కనిపించలేదు. దీంతో ఈ ఏడాది OG తో అభిమానులు పండగ చేసుకోవచ్చు అనుకున్నారు. కానీ, అందుతున్న సమాచారం ప్రకారం ఈ సినిమా అనుకున్న టైమ్ కు రాదన్న వార్త వినిపిస్తుంది. మొన్నటికి మొన్న లక్కీ భాస్కర్ .. ఇదే డేట్ ను లాక్ చేసినప్పటి నుంచి ఇదే అనుమానం అభిమానులను ఆందోళనకు గురి చేస్తుంది.

ఇక అందుతున్న సమాచారం ప్రకారం.. OG డిజిటల్ రైట్స్ ఇంకా ఫినిష్ కాలేదట. ఓటిటీలు స్లాట్స్ లేక OG ని ఇంకా కొనలేదని, ఆ బిజినెస్ జరగకపోవడంతో సెప్టెంబర్ 27న ఈ సినిమా రావడం కష్టమే అని చెప్పుకొస్తున్నారు. ప్రస్తుతం ఈ వార్త నెట్టింట వైరల్ గా మారింది. మరి ఇందులో ఎంత నిజం ఉందో తెలియదు కానీ.. ఈ వార్త వినడంతోనే అభిమానులు అసహనానికి గురవుతున్నారు. ఒకవేళ ఈ ఏడాది కనుక మిస్ అయితే OG సంక్రాంతి బరిలో దిగుతుందేమో చూడాలి.