Dunki Trailer : బాలీవుడ్ బాద్షా టాలీవుడ్ మార్కెట్ పై కన్ను వేసిన విషయం తెలిసిందే. ఈ సంవత్సరం రెండు సూపర్ డూపర్ హిట్ చిత్రాలతో దూసుకుపోతున్న షారుక్ ఖాన్ తన మూడవ చిత్రంతో బాక్స్ ఆఫీస్ పై వార్ కి వచ్చేస్తున్నాడు. డిసెంబర్ 21న ఈ చిత్రం వరల్డ్ వైడ్ గ్రాండ్ గా విడుదల కాబోతోంది. ఈ సంవత్సరం రెండు సినిమాలు బంపర్ ఓపెనింగ్స్ రావడంతో ముచ్చటగా ఈ మూడవ చిత్రం హ్యాట్రిక్ సాధిస్తుందని అందరూ భావిస్తున్నారు.
పైగా ఈ చిత్రానికి రాజ్ హిరానీ డైరెక్టర్ కావడంతో మూవీ పై బజ్ బాగా క్రియేట్ అయింది. సలార్ కు పోటీగా రాబోతున్న ఈ మూవీ నుంచి ట్రైలర్ ని కూడా రీసెంట్ గా మేకర్స్ రిలీజ్ చేశారు. క్రిస్మస్ కానుకగా రాబోతున్న ఈ చిత్రానికి బాలీవుడ్ లో లైన్ క్లియర్ గా ఉన్నా టాలీవుడ్ లో సలార్ గట్టి పోటీ ఇచ్చే అవకాశం ఉంది. అయితే ఈ మూవీ ట్రైలర్ చూస్తే లెక్కలు కాస్త తారుమారు అవుతుందేమో అన్న అనుమానం కలగక మానదు.
ఫ్రెండ్షిప్ , కామెడీ, ఎమోషన్స్ ,విషాదం ఇలా జీవితంలో అన్ని రుచులను ఒకేసారి కలిపి తినే ఉగాది పచ్చడిలా ఉంది ఈ ట్రైలర్. ఇందులో ఉన్న ఎమోషన్స్ రాబోయే మూవీ పై ఆసక్తి రేపేలా ఉన్నాయి. ఇంగ్లీష్ నేర్చుకొని యూకే వెళ్లి సెటిల్ అవ్వాలి అనుకునే పల్లెటూరి కుర్రాడు పాత్రలో షారుక్ కనిపించబోతున్నట్లు తెలుస్తుంది. అయితే పాపం ఎంత ప్రయత్నించినా ఇంగ్లీష్ మాత్రం రాదు దాంతో దొంగ దారిలో యూకే లో ప్రవేశించడానికి ప్రయత్నిస్తాడు.. ఈ నేపథ్యంలో అతను దొరికిపోవడం.. ఆ తర్వాత చోటుచేసుకునే ఆసక్తికర అంశాలతో కథ ముందుకు సాగుతుందని ట్రైలర్ చూస్తే అర్థమవుతుంది.
షారుక్ ఆ జర్నీలో తన స్నేహితులతో కలిసి పడే ఇబ్బందులు .. వాటిని ఎదుర్కొనే విధానం ఈ ట్రైలర్ లో ఎంతో క్లియర్ గా చూపించారు. ఎప్పటిలా షారుక్ ఈ మూవీలో తన కామెడీతో అదరగొట్టాడు అన్న విషయం ట్రైలర్ లో స్పష్టంగా అర్థం అవుతుంది. మున్నాభాయ్ ఎంబీబీఎస్, పీకే ,త్రీ ఇడియట్స్.. లాంటి హిలేరియస్ కామెడీతో మంచి సందేశాన్ని అందించిన చిత్రాలను తెరకెక్కించిన రాజ్ హిరని ఈ మూవీని మరింత ఆసక్తికరంగా తెరకెక్కించి ఉంటాడని ప్రేక్షకులు ఆశిస్తున్నారు. మొత్తానికి ఈ మూవీ సలార్ కు గట్టిగానే పోటీ ఇచ్చేలా కనిపిస్తోంది.
.
.
Share
Kunamneni Sambasiva Rao : తెలంగాణ ప్రజలు అణచివేతను సహించరు.. అందుకే బీఆర్ఎస్ ఓటమి..
Revanth Reddy CM : తెలంగాణ కొత్త సీఎం రేవంత్ రెడ్డి..! కాంగ్రెస్ అధిష్టానం నిర్ణయం?
