Farah Khan: బాలీవుడ్ కొరియోగ్రాఫర్, డైరెక్టర్ ఫరా ఖాన్ ఇంట తీవ్ర విషాదం చోటుచేసుకుంది. ఆమె తల్లి మేనకా ఇరానీ(79) ముంబైలో మరణించారు. గత కొంతకాలంగా వయో వృద్ధాప్య సమస్యలతో బాధపడుతున్న ఆమెను హాస్పిటల్ లో చేర్పించి పలు సర్జరీలు కూడా చేయించారు. అయినా ఆమె ఆరోగ్యం రోజురోజుకు క్షీణించడంతో నేడు హాస్పిటల్ లోనే ఆమె మరణించినట్లు తెలుస్తోంది.
ఇక తల్లి మరణించడంతో ఫరా ఖాన్ ఇంట తీవ్ర విషాదం చోటుచేసుకుంది. రెండువారాల క్రితమే మేనక పుట్టినరోజును ఫరా ఖాన్, సాజిద్ ఖాన్ ఎంతో గ్రాండ్ గా సెలబ్రేట్ చేశారు. ఆరోజు తన తల్లి గురించి ఫరా ఇన్స్టాగ్రామ్ లో ఇలా రాసుకొచ్చింది.
” మనమందరం మా తల్లులను పెద్దగా తీసుకుంటాము, ముఖ్యంగా నన్ను! నేను మా అమ్మ మేనకను ఎంతగా ప్రేమిస్తున్నానో ఈ గత నెలలో వెల్లడైంది. ఆమెతో నేను చూసిన అత్యంత బలమైన, ధైర్యవంతురాలు. అనేక శస్త్రచికిత్సల తర్వాత కూడా చెక్కుచెదరకుండా ఉండండి, అమ్మా, ఇంటికి తిరిగి రావడానికి ఈ రోజు మంచి రోజు, నేను నిన్ను ప్రేమిస్తున్నాను” అని ఎమోషనల్ అయ్యింది.
ఇక ఆమె పుట్టినరోజు అయిన రెండు వారాలకే మేనక మరణించడం ఎంతో బాధాకరమని పలువురు చెప్పుకొస్తున్నారు. తమ తండ్రి కమ్రాన్ ఖాన్ మరణానంతరం ఆమె, ఆమె సోదరుడు సాజిద్ ను మేనక ఎంత కష్టపడి పెంచిందో ఫరా ఎప్పుడు చెప్తూ ఉండేది.
మేనకా ఇరానీ.. నటి డైసీ ఇరానీ మరియు స్క్రీన్ రైటర్ హనీ ఇరానీల సోదరి. చిత్రనిర్మాతలు జోయా మరియు ఫర్హాన్ అక్తర్ ఆమెకు మేనకోడలు మరియు మేనల్లుడు అవుతారు. మేనకా మరణవారంతా బాలీవుడ్ ను షేక్ చేస్తోంది. ఆమె అంత్యక్రియలు రేపు జరగనున్నాయి. మేనకా చివరి చూపు చూడడానికి పలువురు ప్రముఖులు ఫరా ఇంటికి తరలివస్తున్నారు.
Share
Crocodile on Road : అమ్మో! మొసలి.. హడలెత్తిపోయిన ప్రజలు
Uttam Kumar Reddy: కమీషన్ల కక్కుర్తితో ప్రాజెక్టుల నిలిపివేత: మంత్రి ఉత్తమ్ కుమార్
