Game Changer: కొత్త డేట్ తో వచ్చేసిన గేమ్ ఛేంజర్.. ఇక పూనకాలే

Game Changer: గ్లోబల్ స్టార్ రామ్ చరణ్ – శంకర్ కాంబోలో వస్తున్న చిత్రం గేమ్ ఛేంజర్. దిల్ రాజు ఎంతో ప్రతిష్టాత్మకంగా ఈ సినిమాను నిర్మిస్తున్నాడు. ఇక ఈ చిత్రంలో చరణ్ సరసన కియారా అద్వానీ, అంజలి హీరోయిన్స్ గా నటిస్తున్నారు. ఇప్పటికే ఈ చిత్రం నుంచి రిలీజైన పోస్టర్స్, సాంగ్స్ ప్రేక్షకులను విశేషంగా ఆకట్టుకున్నాయి.

గేమ్ ఛేంజర్ సినిమా రిలీజ్ వాయిదాల మీద వాయిదాలు పడుతూ వస్తున్న విషయం తెల్సిందే. మొన్నటివరకు క్రిస్టమస్ కానుకగా డిసెంబర్ లో గేమ్ ఛేంజర్ రిలీజ్ కానుందని దిల్ రాజు చెప్పిన విషయం తెల్సిందే. అయితే కొన్ని కారణాల వలన గేమ్ ఛేంజర్ డిసెంబర్ రేసు నుంచి తప్పుకొని సంక్రాంతి రేసులోకి దిగినట్లు తెలిపాడు.

ఇక నేడు దసరా పండగ సందర్భంగా ఇదే విషయాన్ని మేకర్స్ ఒక పోస్టర్ రిలీజ్ చేసి అధికారికంగా ప్రకటించారు. జనవరి 10 న గేమ్ ఛేంజర్ ప్రేక్షకుల ముందుకు రానున్నట్లు మేకర్స్ తెలిపారు. ఎప్పటిలా చరణ్ క్లాస్ లుక్ పోస్టర్ కాకుండా.. ఈసారి మాస్ లుక్ లో ఉన్న పోస్టర్ ను రిలీజ్ చేశారు.

ఇక ఈ పోస్టర్ లో చరణ్ రంగంలోకి దూకుతున్నట్లు కనిపించాడు. ప్రస్తుతం ఈ పోస్టర్ నెట్టింట వైరల్ గా మారింది. ఇక ఈ పోస్టర్ చూసిన అభిమానులు ఇది కదా.. మాకు కావాల్సిన లుక్.. ఇక సంక్రాంతి మనదే అని ధీమా వ్యక్తం చేస్తున్నారు. మరి ఈ సినిమాతో చరణ్ – శంకర్ ఎలాంటి విజయాన్ని అందుకుంటారో చూడాలి.

దసరా శుభాకాంక్షలతో!
தசரா நல்வாழ்த்துக்களுடன்!
दशहरा की शुभकामनाएं!#GameChanger Worldwide In Cinemas On January 10th ❤️‍🔥✊🏼 pic.twitter.com/gdVnEkytLv

— Game Changer (@GameChangerOffl) October 12, 2024

Share

• 
• 
• 
• 
• 
•