HCA: అవార్డుల వేడుక.. ఎన్టీఆర్ అందుకే హాజరుకాలేదు.. క్లారిటీ ఇచ్చిన హెచ్‌సీఏ

HCA: అంతర్జాతీయ వేదికపై ‘ఆర్ఆర్ఆర్’ సత్తా చాటింది. హాలీవుడ్ క్రిటిక్స్ అసోషియేషన్‌లో ఐదు అవార్డులను దక్కించుకొని మరోసారి మెరిసింది. అయితే ఈ అవార్డుల కార్యక్రమానికి ‘ఆర్ఆర్ఆర్’ టీమ్ అందరూ హాజరయ్యారు కానీ.. జూ.ఎన్టీఆర్ కాలేదు. ప్రస్తుతం ఎన్టీఆర్ ఎందుకు హాజరవ్వలేదనే దానిపై సోషల్ మీడియాలో చర్చ జరుగుతోంది.

సోషల్ మీడియా వేదికగా నెటిజన్లు, అభిమానులు పెద్ద ఎత్తున ‘ఆర్ఆర్ఆర్’ టీమ్, హెచ్‌సీఏపై ప్రశ్నల వర్షం కురిపిస్తున్నారు. జూ.ఎన్టీఆర్‌ను ఎందుకు పిలువలేదంటూ ప్రశ్నిస్తున్నారు. తాజాగా ఈ ప్రశ్నలపై హెచ్‌సీఏ స్పందించింది. నెటిజన్ల ప్రశ్నలకు వివరణ ఇచ్చింది.

‘‘ఆర్ఆర్ఆర్ టీమ్‌తో పాటు ఎన్టీఆర్‌ను కూడా అవార్డుల కార్యక్రమానికి ఇన్వైట్ చేశాం. కానీ కొత్త సినిమా షూటింగ్ కారణంగా ఆయన రాలేకపోయారు. త్వరలోనే అయనకు అవార్డును అందజేస్తాము. మీ అందరి ప్రేమాభిమానాలకు ధన్యవాదాలు’’ అంటూ హాలీవుడ్ క్రిటిక్స్ అసోషియేషన్ క్లారిటీ ఇచ్చింది.

ఇక దీనిపై ఓ నెటిజన్ స్పందిస్తూ.. ఎన్టీఆర్ ఎలాంటి షూటింగ్‌లో పాల్గొనడం లేదు. ఇటీవల ఆయన సోదరుడు మరణించడంతో హాజరుకాలేదు’’ అని ట్వీట్ చేశాడు. దీనిపై కూడా స్పందిస్తూ.. ‘‘సినిమా షూటింగ్ వల్ల రాలేకపోతున్నానని మాతో చెప్పాడు. ఆ తర్వాత వాళ్ల సోదరుడు కూడా చనిపోవడంతో సినిమా షూటింగ్ నిలిపివేశారు’’ అంటూ వివరణ ఇచ్చింది.

Share

• 
• 
• 
• 
• 
•