Dhanush: ధనుష్ రెండో పెళ్లి.. వధువు ఎవరంటే.. ?

Dhanush: కోలీవుడ్ స్టార్ హీరో ధనుష్ రెండో పెళ్ళికి సిద్దమయ్యాడా.. ? అంటే అవుననే అంటున్నాయి కోలీవుడ్ వర్గాలు. సూపర్ స్టార్ రజినీకాంత్ కుమార్తె అయినా ఐశ్వర్య రజినీకాంత్ ను ధనుష్ 2004 లో వివాహం చేసుకున్నాడు. వీరికి ఇద్దరు పిల్లలు. ఇక ఈ జంట మధ్య కొన్ని కలతలు నెలకొనగా.. వీరు గతేడాది విడాకులు ప్రకటించారు.

ఇక ఈ జంటను కలపడానికి ఇరు కుటుంబాలు బాగా ప్రయత్నించాయని, కానీ, వీరు మాత్రం కలిసి ఉండేది లేదని చెప్పడంతో చేసేది లేక వాళ్లు కూడా విడాకులకు ఓకే అన్నట్లు తెలుస్తోంది. ఇక ఈ మధ్యనే వీరికి అధికారికంగా విడాకులు మంజూరు అయ్యాయి. విడాకుల ముందు నుంచే ఈ జంట విడివిడిగా ఉంటున్నారు.

ధనుష్ కు ఉన్న ఎఫైర్స్ వలనే ఐశ్వర్య విడాకులు ఇచ్చిందని కొందరు చెప్పుకొస్తున్నారు. ఇంకోపక్క సింగర్ సుచిత్ర .. ధనుష్, ఐశ్వర్య ఇద్దరికీ వేరేవారితో ఎఫైర్స్ ఉన్నాయని, ఆ విషయాలు వారికి కూడా తెలుసనీ ఒక ఇంటర్వ్యూలో చెప్పుకొచ్చింది. దాదాపు 18 ఏళ్ళ దాంపత్యానికి వీరు ఫుల్ స్టాప్ పెట్టారు. ఇక విడాకుల అనంతరం ఈ జంట ఎవరి కెరీర్ లో వారు బిజీగా మారారు. ప్రస్తుతం ధనుష్ వరుస సినిమాలతో బిజీగా ఉన్నాడు.

ఇక అందుతున్న సమాచారం ప్రకారం ధనుష్ రెండో పెళ్ళికి సిద్దమయ్యినట్లు తెలుస్తోంది. ధనుష్ తండ్రి కస్తూరి రాజా.. కొడుకు రెండో పెళ్ళికి రెడీ అయ్యాడని.. వధువును వెతికే పనిలో పడ్డాడట. ఈసారి సినిమాకు సంబంధించిన అమ్మాయి కాకుండా వారి బంధువుల్లోనే ఒక మంచి అమ్మాయిని చూసి కొడుకుకు పెళ్లి చేసే ఆలోచనలో ఉన్నాడట. మరి ఇందులో నిజమెంత అనేది తెలియాల్సి ఉంది.