Entertainment:పూరి-రామ్ ఇద్దరికీ ‘డబుల్’ ట్రబుల్?

Hero Ram ..Director Puri carrier depends upon Double Ismart movie

కొన్ని కాంబినేషన్లు రిలీజ్ కు ముందే అంచనాలు పెంచేస్తుంటాయి. ఆ ఇద్దరి కాంబినేషన్ లో ఏదైనా హిట్ పడిందంటే మరోసారి అదే కాంబినేషన్ లో వస్తున్న సినిమాపై అంచనాలు అమాంతం పెరిగిపోతుంటాయి. ఇప్పుడు లేటెస్ట్ గా హీరో రామ్ పోతినేని, దర్శకుడు పూరీ జగన్నాధ్ దర్శకత్వంలో వస్తున్న డబుల్ ఇస్మార్ట్ మూవీపై అంచనాలు భారీగానే ఉన్నాయి. 2019లో ఇదే కాంబినేషన్ లో ఇస్మార్ట్ శంకర్ మూవీ వచ్చి సూపర్ హిట్ అయింది. ఊర మాస్ క్యారెక్టర్ లో రామ్ ఆకాశమే హద్దుగా చెలరేగిపోయాడు. పూరీ కూడా ఓ రేంజ్ లో ఈ సినిమాను ఎంతో కసిగా తీశాడు. అయితే ఈ మధ్యకాలంలో రామ్ పోతినేనికి ఇస్మార్ట్ శంకర్ హిట్ తర్వాత మరో సినిమా ఏదీ పడలేదు. బోయపాటి దర్శకత్వంలో వచ్చిన స్కంద కూడా యావరేజ్ గానే మిగిలింది. ఇప్పుడు ఓ హిట్ మూవీ పడటం రామ్ కెరీర్ కి అత్యావశ్యం.

పూరీకి లైఫ్ అండ్ డెత్

దర్శకుడు పూరీకి సైతం ఇస్మార్ట్ శంకర్ తర్వాత హిట్ మూవీ పడలేదు. విజయ్ దేవరకొండతో తీసిన లైగర్ భారీ నష్టాలనే చవిచూసింది. చాలా చోట్ల సొంతంగానే ఈ మూవీపై నమ్మకంతో రిలీజ్ చేసి తీవ్ర ఆర్థిక నష్టాలతో అప్పులపాలయ్యాడు పూరీ. మహేష్ బాబుతో మూవీ కూడా ఆగిపోవడానికి అదే కారణం అని ఇండస్ట్రీ అంతా గుసగుస.ఇప్పుడు ఈ ఫ్లాప్ కాంబినేషన్ లో వస్తున్న డబుల్ ఇస్మార్ట్ మూవీ ఇద్దరి కెరీర్ కూ ముఖ్యమే.బిజినెస్ పరంగా ఈ మూవీకి బాగానే టేబుల్ ప్రాఫిట్ వచ్చినట్లు తెలుస్తోంది. విడుదలకు ముందే రిలీజ్ చేసిన ప్రోమోలు, పాటలు, పోస్టర్లు ఈ మూవీపై అంచనాలు సైతం ‘డబుల్’ చేశాయి. డబుల్ ఇస్మార్ట్ హిట్ కాకుంటే వీళ్లిద్దరి కెరీర్ ట్రబుల్ లో పడుతుందని ఇండస్ట్రీ భావిస్తోంది. ఇస్మార్ట్ శంకర్ హిట్ తో ఈ సినిమాపై ఉన్న భారీ అంచనాలను పూరీ, రామ్ అందుకోగలరా? అని సినీ వర్గాలు అనుమానాలు వ్యక్తం చేస్తున్నాయి.