Indraja: సీనియర్ నటి ఇంద్రజ ప్రస్తుతం వరుస సినిమాలతో బిజీగా మారింది. జబర్దస్త్ లో రోజా ప్లేస్ ను రీప్లేస్ చేయాల్సిన సమయం వచ్చినప్పుడు ఆమెలా ఎవరు ఉంటారు అనుకుంటుండగా.. ఇంద్రజ వచ్చింది. రోజా నాథ ఫైర్ బ్రాండ్ కాకపోయినా.. అందరిని తల్లిగా ఆదరించి ఇంద్రజమ్మగా మారిపోయింది. ఏది చెప్పినా మనసులో నుంచి చెప్పి ఎన్నోసార్లు ట్రోల్ కూడా అయ్యింది. అయినా ఆమె ఏది పట్టించుకోకుండా ఆరు జబర్దస్త్.. ఇటు శ్రీదేవి డ్రామా కంపెనీకి జడ్జిగా వ్యవహరిస్తోంది. ఇక నిత్యం శ్రీదేవి డ్రామా కంపెనీలో ఏదో ఒక థీమ్ తో వస్తూ ఉండే మేకర్స్ ఈసారి మదర్స్ డే స్పెషల్ తో రానున్నాడు. ఇందుకు సంబంధించిన ప్రోమోను తాజాగా రిలీజ్ చేశారు.
ఇక ఈ ప్రోమోలో ఇంద్రజ తన తల్లిని తలచుకొని ఎమోషనల్ అయ్యింది. తన తల్లి కోరికను నెరవేర్చలేకపోయాను అంటూ ఆమె స్టేజిమీదనే వెక్కి వెక్కి ఏడ్చింది. ప్రతి ఒక్కరు తమ తల్లులకు గిఫ్ట్ ఇచ్చి.. వారి కళ్లలో సంతోషం చూస్తుంటే.. ఇంద్రజ తన తల్లి లేదు అనే బాధను తెలిపింది. ” నేను ఎన్నో తప్పులు చేశా.. సరిద్దిదుకోలేని తప్పు కూడా చేశా.. ఈ ప్రపంచంలో ఎవరు ఉన్నా లేకున్నా.. తల్లిదండ్రులు లేకపోతే మనం అనాధలమే. వారు చనిపోయాక ఏడవడం కన్నా.. బతికి ఉన్నప్పుడే వారిని సంతోషంగా చూసుకోవాలి. మా అమ్మ ఏడాది పాటు నన్ను గుడికి తీసుకెళ్ళు అని అడిగింది. నేను దాన్ని పట్టించుకోలేదు. ఇప్పుడు ఆమె లేదు అంటూ భోరున విలపించింది.
కాలం తిరిగివచ్చి తన తల్లి బతికి వస్తే.. ఆమె కోరుకున్నవన్నీ చేసి పెట్టాలని ఉందని తెలిపింది. ఇంద్రజ ఎమోషనల్ అవ్వడంతో అక్కడ ఉన్నవారందరూ కన్నీళ్లు పెట్టుకున్నారు. రష్మీ, ఇంద్రజను ఓదార్చింది. ఇందుకు సంబంధించిన ప్రోమో నెట్టింట వైరల్ గా మారింది. ఇంద్రజ చెప్పింది అని కాదు కానీ, తల్లిదండ్రులను బతికి ఉన్నప్పుడు చూసుకోకుండా చనిపోయాక వారికి గుడులు కట్టడం, విగ్రహాలు పెట్టడం వేస్ట్ అని నెటిజన్స్ సైతం కామెంట్స్ పెడుతున్నారు.
Share
Rythu Bharosa: రైతు భరోసా పంపిణీపై కేంద్ర ఎన్నికల సంఘం కీలక ఆదేశాలు
Tata Punch Became Best Seller 2024: సేల్స్లో నంబర్ వన్గా టాటా పంచ్.. డిమాండ్ మామూలుగా లేదుగా!
