Movies: ఎన్ని సినిమాలు వచ్చినా లవ్ స్టోరీ నేపథ్యంలో వచ్చే సినిమాలకు ఉండే క్రేజే వేరు. ప్రతి ఏడాది వచ్చే సినిమాల్లో సగానికి సగం లవ్ సినిమాలే ఉంటాయి. యువతను ఎక్కువగా ఇటువంటి సినిమాలు ఆకట్టుకుంటాయి. 2022లో లవ్స్టోరీ నేపథ్యంలో వచ్చిన ‘సీతారామం’, ‘18 పేజిస్’, ‘విరాటపర్వం’ వంటి సినిమాలు సూపర్ హిట్ అయ్యాయి. ఈ ఏడాది కూడా ప్రేక్షకులను అలరించేందుకు కొన్ని సినిమాలు రెడీ అవుతున్నాయి.
శాకుంతలం:
గుణశేఖర్ దర్శకత్వంలో స్టార్ హీరోయిన్ సమంత నటిస్తోన్న తాజా చిత్రం ‘శాకుంతలం’. కాళిదాసు రచించిన సంస్కృత నాటకం అభిజ్ఞాన శాకుంతలంలోని శకుంత-దుష్యంతుల ప్రేమకావ్యం అధారంగా ఈ మూవీని రూపొందించారు. ఇప్పటికే ఈ సినిమా రిలీజ్ పలుమార్లు వాయిదా పడింది. తాజాగా ఏప్రిల్ 14న రిలీజ్ కానున్నట్లు మేకర్స్ ప్రకటించారు.
ఖుషి:
రౌడీ హీరో విజయ్ దేవరకొండ, సమంత హీరోహీరోయిన్లుగా నటిస్తోన్న లేటెస్ట్ మూవీ ‘ఖుషి’. కశ్మీర్ నేపథ్యంలో విభిన్న ప్రేమకథాంశంతో తెరకెక్కితున్న ఈ మూవీకి శివ నిర్వాణ దర్శకత్వం వహిస్తున్నారు. సమ్మర్లో ఈ మూవీ ప్రేక్షకుల ముందుకు వచ్చే అవకాశం ఉంది.
వినరో భాగ్యము విష్ణుకథ:
యంగ్ హీరో కిరణ్ అబ్బవరం, కశ్మీరా పరదేశీ కాంబినేషన్లో వస్తున్న లవ్స్టోరీ ‘వినరో భాగ్యము విష్ణుకథ’. దర్శకుడు మురళీ కిషోర్ ఈ మూవీని తెరకెక్కిస్తున్నారు. ఇప్పటికే ఈ మూవీ నుంచి వచ్చిన పోస్టర్లు, టీజర్ సినిమాపై హైప్ క్రియేట్ చేశాయి. ఈ వినూత్న లవ్ స్టోరీ ఫిబ్రవరి 18న థియేటర్లలో సందడి చేయనుంది.
దసరా
యంగ్ అండ్ ట్యాలెంటెడ్ హీరో నాని నటిస్తున్న లేటెస్ట్ మూవీ ‘దసరా’. ఈ మూవీలో కీర్తి సురేష్ హీరోయిన్గా నటిస్తుండగా.. శ్రీకాంత్ ఓదెల దర్శకత్వం వహిస్తున్నారు. అయితే ఈ మూవీలో యాక్షన్ మోడ్లో రూపొందుతున్నప్పటికీ అంతర్లీనంగా మంచి ప్రేమకథ ఉందని సినీనిపుణులు అంచనా వేస్తున్నారు. ఇక ఈమూవీ మార్చి 30న ప్రేక్షకుల ముందుకు రాబోతోంది.
Share
Blood Cancer Centre:ఇండియాలోనే అతిపెద్ద బ్లడ్ క్యాన్సర్ సెంటర్ అభివృద్ధి..
Aerospace Companies:బీజింగ్ కంపెనీలను బ్లాక్లిస్ట్లో పెట్టిన యూఎస్..
