Premalu 2: ఈ ఏడాది వచ్చిన మలయాళ సినిమాల్లో హిట్ టాక్ తెచ్చుకున్న చిత్రం ప్రేమలు. నస్లెన్ గఫూర్, మమిత బైజు జంటగా గిరీష్ ఏడీ దర్శకత్వం వహించిన ఈ చిత్రాన్ని భావన స్టూడియోస్ బ్యానర్‌పై ఫహద్ ఫాసిల్, దిలీష్ పోతన్, శ్యామ్ పుష్కరన్ నిర్మించారు. మలయాళంలో ఫిబ్రవరి 9 న రిలీజ్ అయ్యి భారీ విజయాన్ని అందుకున్న ఈ సినిమాను తెలుగులో రాజమౌళి తనయుడు ఎస్. ఎస్. కార్తికేయ మార్చి 8 న రిలీజ్ చేశాడు. ఇక్కడ కూడా ఈ యూత్ లవ్ స్టోరీ మంచి హిట్ ను అందుకుంది. ముఖ్యంగా హీరోహీరోయిన్ల సొంత పేర్లను మర్చిపోయి సచిన్, రీను అనే తెలుగువారు పిలవడం విశేషం.
ఇక ఈ సినిమా తరువాత మమితాకు తెలుగులో మంచి ఫ్యాన్ ఫాలోయింగ్ పెరిగింది. ప్రేమలు చివర్లో సచిన్ దుబాయ్ కు వెళ్తుంటే రీను ఎయిర్ పోర్ట్ లో తన ప్రేమను వ్యక్తం చేసి.. లాంగ్ డిస్టెన్స్ రిలేషన్ షిప్ కు తెరలేపుతారు. ఇక ఇదే లైన్ తో గిరీష్ ఈ సినిమాకు సీక్వెల్ మొదలుపెట్టాడు. ప్రేమలు 2 ను మేకర్స్ అధికారికంగా ప్రకటించారు. త్వరలోనే ఈ సినిమా సెట్స్ మీదకు వెళ్లనుంది.
గతకొన్నిరోజులుగా నస్లెన్ గఫూర్ తోనే గిరీష్ మరో సినిమాను తెరకెక్కిస్తున్నాడని వార్తలు వచ్చాయి. అయితే.. ఆ సినిమానే ప్రేమలు సీక్వెల్ అని తెలుస్తోంది. దీంతో ఈ సీక్వెల్ పై అభిమానులు భారీ అంచనాలను పెట్టుకున్నారు. ఈ కథలో ప్రేమలో ఉండే కోపాలు, అలకలు, చిరాకులు.. ఇలాంటివన్నీ చూపించనున్నాడట గిరీష్. వచ్చే ఏడాది ఈ సినిమా ప్రేక్షకుల ముందుకు రానుంది. మరి ఈ సినిమాతో ఈ టీమ్ మరో హిట్ ను అందుకుంటుందో లేదో చూడాలి.
Share
CM Jagan: పవన్ కళ్యాణ్ పెళ్లిళ్లపై సీఎం జగన్ హాట్ కామెంట్స్..
Janasena: సీఎం జగన్‌పై ఎన్నికల సంఘానికి జనసేన ఫిర్యాదు..
