Allu Arjun: ఐకాన్ స్టార్ అల్లు అర్జున్ పేరు సోషల్ మీడియాను షేక్ చేస్తోంది. ట్రోల్స్ లోనే ఎక్కువ బన్నీ పేరు వినిపిస్తుంది. అందుకు కారణం.. వైసీపీ నేతకు బన్నీ సపోర్ట్ చేయడమే. ఇది ఎప్పటినుంచో నడుస్తున్న వివాదమే కదా అని అనుకుంటే పొరపాటే.. మానిన గాయాన్నీ బన్నీ మళ్లీ రేపాడు. ఈ మధ్యనే మారుతీ నగర్ సుబ్రహ్మణ్యం ప్రీ రిలీజ్ ఈవెంట్ లో లో నాకు నచ్చితే నా ఫ్రెండ్ కోసం ఎక్కడికైనా వస్తా.. నా మనసుకు నచ్చితే వస్తా అంటూ ఆగిపోయిన వివాదానికి ఆజ్యం పోశాడు.
ఇక దీంతో మెగా ఫ్యాన్స్ బన్నీని ఇంకా ట్రోల్ చేయడం మొదలుపెట్టారు. ఇంకోపక్క బన్నీ అటెన్షన్ కోసమే చేస్తున్నాడని కొందరు మాట్లాడుకోవడం మొదలుపెట్టారు. ఇక ఈ నేపథ్యంలోనే బన్నీ మాటలకు కౌంటర్ గా జనసేన ఎమ్మెల్యే బొలిశెట్టి శ్రీనివాస్ చేసిన వ్యాఖ్యలు సోషల్ మీడియాను షేక్ చేస్తున్నాయి. నేడు తాడేపల్లిగూడెంలో జనసేన ఎమ్మెల్యే బొలిశెట్టి శ్రీనివాస్ కు అల్లు అర్జున్ కు సంబంధించిన ప్రశ్న ఎదురయ్యింది.
బొలిశెట్టి శ్రీనివాస్ మాట్లాడుతూ.. ” అల్లు అర్జున్ కు ఫ్యాన్స్ ఉన్నారా .. ? ఈ విషయం నాకు తెలియదే. వాళ్లలో ఎక్కువ మెగా ఫ్యాన్స్ మాత్రమే ఉన్నారు. మెగా కుటుంబం నుంచి విడిపోయిన వ్యక్తులు.. బ్రాంచీలుగా, షామియానాలుగా పెట్టుకున్నారేమో నాకు తెలియదు. ఆయనకు ఫ్యాన్స్ ఉన్నారని ఆయన అనుకుంటున్నాడేమో.. చిరంజీవి అభిమానులు నీలో చిరంజీవిని చూస్తున్నారు.. పవన్ కళ్యాణ్ అభిమానులు నీలో పవన్ కళ్యాణ్ ను చూస్తున్నారు. రామ్ చరణ్ అభిమానులు నీలో రామ్ చరణ్ ను చూస్తున్నారు.
అల్లు అర్జున్ నువ్వేమైనా పుడింగివా.. ? నీ స్థాయి మర్చిపోయి మాట్లాడుతున్నావ్. నాకు ఇష్టమైతే వస్తా అని అంటే.. రాకు, మానెయ్.. ఎవడు రమ్మన్నాడు..? నిన్నేమైనా రమ్మని అడిగామా.. ? నువ్వు రాకపోయినా మేము నెగ్గాము. తండ్రిని ఎంపీగా నిలబడితే నెగ్గించుకోలేకపోయాయావ్” అంటూ నోరు జారాడు.
ఇక దీంతో శ్రీనివాస్ పై సోషల్ మీడియాలో ట్రోలింగ్ మొదలయ్యింది. అల్లు ఫ్యాన్స్ కట్ట కట్టుకొని శ్రీనివాస్ కు సంబంధించిన ప్రతి వీడియోను తీసుకొచ్చి వైరల్ చేస్తున్నారు. తాజాగా ఈ వివాదంపై శ్రీనివాస్ స్పందించాడు.
““నాకు ఇష్టమైతే నేను వస్తా” – ఒక మెగా అభిమానిగా చిరంజీవి గారిని కానీ, నాగబాబు గారిని కానీ, పవన్ కళ్యాణ్ గారిని కానీ ఎవరైనా సరే గౌరవం లేకుండా మాట్లాడితే నేను వస్తా! గతాన్ని మర్చిపోయి మాట్లాడితే కచ్చితంగా వస్తా! మరీ ముఖ్యంగా నేను చెప్పదలుచుకున్నది ఏమనగా.. నా వాక్యాలు పూర్తిగా వ్యక్తిగతం! ఒక మెగా అభిమానిగా మాత్రమే నేను స్పందించా గమనించగలరు” అంటూ చెప్పుకొచ్చాడు. మరి ఈ వివ్వడంపై బన్నీ ఎలా స్పందిస్తాడో చూడాలి.
https://twitter.com/BolisettiSrinu/status/1828421370860175581
Share
KL Rahul: క్రీడలు, వ్యాపారం ఒకటి కాదు: గోయంకాపై.. కేఎల్ రాహుల్ ఫైర్
Rent Problems for ATM: రెంట్ కట్టనందుకు ఏటీఎంకు తాళం.. సోషల్ మీడయాలో వీడియో వైరల్
