Jani Master: జానీ మాస్టర్ కి బెయిల్.. సంతోషంలో కుటుంబ సభ్యులు..!

Jani Master: లైంగిక వేధింపుల కేసులో ప్రముఖ టాలీవుడ్ కొరియోగ్రాఫర్ జానీ మాస్టర్ (Jani Master) పై కేస్ ఫైల్ అవ్వగా ఆయన అరెస్ట్ అయిన విషయం తెలిసిందే. మైనర్ గా ఉన్న లేడీ కొరియోగ్రాఫర్ పై అత్యాచారం చేశాడన్న కారణంతో పోక్సో చట్టం కింద ఆయనను అరెస్టు చేశారు. ఇదిలా ఉండగా మొన్నా మధ్య జాతీయ అవార్డు ప్రకటించిన తర్వాత అవార్డు తీసుకోవడం కోసం బెయిల్ కావాలని పిటీషన్ వేయగా.. దాదాపు బెయిల్ మంజూరు అవుతుందని అందరూ అనుకున్నారు. కానీ లైంగిక వేధింపుల కేసులో పట్టుబడడంతో జాతీయ అవార్డుల కమిటీ ప్రతినిధులు జానీ మాస్టర్ కు అవార్డు ఇవ్వకుండా ఆపివేశారు. దీంతో కోర్టు కూడా బెయిల్ మంజూరు చేయలేదు. కానీ తాజాగా అందుతున్న సమాచారం ప్రకారం జానీ మాస్టర్ కు బెయిల్ లభించింది. దీంతో ఆయన కుటుంబ సభ్యులు సంతోషం వ్యక్తం చేస్తున్నారు.

నాంపల్లి కోర్టులో జానీ మాస్టర్ కు బెయిల్..

జానీ మాస్టర్ గత కొన్ని రోజులుగా చంచల్గూడా జైల్లో రిమాండ్ లో ఉన్న విషయం తెలిసిందే. ముఖ్యంగా కొరియోగ్రాఫర్ పై అత్యాచారం చేశారనే ఆరోపణలు ఆయన ఎదుర్కొంటున్నారు. ఈ నేపథ్యంలోనే తాజాగా ఆయనకు నాంపల్లి కోర్టు బెయిల్ మంజూరు చేసింది. ఇక ఈ బెయిల్ మంజూరు అవ్వడంతో నిజానిజాలు బయటపెట్టే ప్రయత్నం చేస్తానని చెప్పినట్లు వార్తలు వినిపిస్తున్నాయి.

మైనర్ లేడీ కొరియోగ్రాఫర్ పై అత్యాచారం..

టాలీవుడ్ సినీ ఇండస్ట్రీలో పేరు మోసిన కొరియోగ్రాఫర్ గా ఇమేజ్ దక్కించుకున్న జానీ మాస్టర్ , ఇదివరకే జాతీయ అవార్డును కూడా సొంతం చేసుకున్నారు. ఇలాంటి ఈయనపై లైంగిక ఆరోపణలు వచ్చాయి ముఖ్యంగా 2017లో జానీ మాస్టర్ తనను అత్యాచారం చేశాడని తెలిపిన బాధిత యువతి , ఈ విషయం బయటకు చెబితే చంపేస్తానని బెదిరించాడు అంటూ చెప్పుకొచ్చింది . అంతేకాదు పలు బహిరంగ ప్రదేశాలలో తనపై శారీరక దాడి చేశాడని కూడా తెలిపింది. ప్రస్తుతం తన వయసు 21 సంవత్సరాలు అని చెప్పిన ఈమె, తాను మైనర్ గా ఉన్నప్పుడే తనపై దాడి చేశాడని తెలిపింది. ఈ మేరకు విచారణ చేపట్టిన పోలీసులు జానీ మాస్టర్ ను పోక్ సో చట్టం కింద అరెస్టు చేసిన విషయం తెలిసిందే ఈ నేపథ్యంలోనే చంచల్గూడా జైల్లో ఆయనను రిమాండ్ లో పెట్టారు.

జాతీయ అవార్డు రద్దు..

ఇదిలా ఉండగా కోలీవుడ్ లో ధనుష్ (Dhanush ) హీరోగా నటించిన తిరుచిత్రాంబలం సినిమాకు బెస్ట్ కొరియోగ్రాఫర్ గా జానీ మాస్టర్ కి జాతీయ అవార్డు లభించింది. ఈసారి ఈ అవార్డు అందుకోబోతున్న నేపథ్యంలో ఈయన ఇలా జైల్లో ఉన్న కారణంగా బెయిల్ కు అప్లై చేశారు. అసలు విషయం తెలిసిన జాతీయ అవార్డుల కమిటీ ఈయనకు అవార్డును రద్దు చేయడంతో కోర్టు కూడా బెయిల్ నిరాకరించింది. అయితే ఇప్పుడు ఎట్టకేలకు నాంపల్లి కోర్టు బెయిల్ మంజూరు చేసినట్లు సమాచారం.

Share

• 
• 
• 
• 
• 
•