Jani Master : ప్రస్తుతం టాలీవుడ్ లో హాట్ టాపిక్ జానీ మాస్టర్ పై లైంగిక వేధింపుల కేసు.. ఇన్నాళ్లు ఆయనకు అసిప్టెంట్గా పని చేసిన 21 ఏళ్ల యువతి అతనిపై రేప్ కేసు నమోదు చేయడం ఇండస్ట్రీలో సంచలనంగా మారింది. తనపై అత్యాచారం చేయడంతోపాటు గాయపరిచాడని ఆమె ఆవేదన వ్యక్తం చేసింది. దీంతో ఆయనపై పోలీసులు కేసు నమోదు చేశారు.. ఈ కేసు విచారణలో భాగంగా యువతిని నార్సింగ్ పోలీసులు మూడు గంటల పాటు విచారించి సంచలన విషయాలను బయట పెట్టారు. ప్రస్తుతం ఈ కేసు అనేక మలుపులు తిరుగుతుంది.. ఈరోజు ఉదయం వరకు స్పందించని ఆయన కొద్ది నిమిషాల క్రితం స్పందించారు. తాజాగా ఆయన అసిస్టెంట్ మాస్టర్ గురించి సంచలన విషయాలను బయటపెట్టాడు.. దీంతో కేసు మరో మలుపు తిరిగే అవకాశాలు ఉన్నట్లు తెలుస్తుంది.
లైంగిక వేధింపుల కేసు పై స్పందించిన జానీ మాస్టర్..
తాజాగా మీడియా ముందుకు వచ్చిన జానీ మాస్టర్.. కుట్రపూరితంగా తనను ఇరికించినట్లు వాపోయాడు. యూనియన్ గొడవల్లో భాగంగా కొందరు ఆ మహిళతో తనపై కేసు పెట్టించారని అన్నారు. ఆధారాలు ఉంటే నన్ను శిక్షించించండి. అందుకు నేను సిద్ధంగా ఉన్నాను. ఆమెకు డబ్బులు ఇచ్చి నాపై కేసు పెట్టించారు. గతంలో ఆమె నా దగ్గర పని చేసింది. పెళ్లి చేసుకుని వెళ్ళిపోయింది.. నన్ను కావాలనే ఇరికిస్తున్నారు అంటూ వాదించారు. ఇక ఆయన భార్య కూడా దీనిపై స్పందించారు. నాన్ యూనియన్ మెంబర్స్ పని చేస్తున్నారని తెలిసి సెట్స్ కి వెళ్లిన జానీ మాస్టర్… కెమెరా మెన్ తో ఇది కరెక్ట్ కాదని చెప్పారు. నాన్ మెంబర్స్ తో పని చేయించుకుంటే కార్డ్ ఉన్న మెంబర్స్ పని కోల్పోతారని చెప్పి వచ్చారు.. దీనికే కక్ష్య పెంచుకొని నన్ను ఇరికిస్తున్నారు అంటూ ఆవేదన వ్యక్తం చేశాడు. అంతేకాదు శేఖర్ మాస్టర్, గణేష్ మాస్టర్ పేర్లు కూడా బయటపెట్టారు.
జానీ మాస్టర్ గురించి బయట పెట్టిన అసిస్టెంట్..
జానీ మాస్టర్ పై రేప్ కేసు నమోదు అయిన విషయం తెలిసిందే.. ఈ కేసు పై ఎన్నో అనుమానాలు వ్యక్తం అవుతున్నాయి. ఇప్పటికే మీడియాలో పలు రకాల వార్తలు వినిపిస్తున్నాయి. తాజాగా మాస్టర్ స్పందించి తన వాదనను వినిపించారు. ఇక మాస్టర్ పై వస్తున్నా వార్తలకు ఆయన అసిస్టెంట్ మీడియాతో మాట్లాడారు. మాస్టర్ గురించి షాకింగ్ విషయాలను బయట పెట్టారు.. అతను మాట్లాడుతూ.. అమ్మాయిలతో అలా ప్రవర్తించేవారు.. ప్రెసిడెంట్ అయ్యాక అలాంటి పనులు చెయ్యలేదు. ఇక ఢీలో అందరు సేఫ్ గానే ఉండేవారు. కానీ ఆ అమ్మాయి ఎందుకు అలా చెప్పేసిందో తెలియదు. చనువుగా ఉండేవారు కానీ అలా చేసినట్లు ఎప్పుడూ చూడలేదు అంటూ చెప్పాడు. ప్రస్తుతం ఈ వీడియో వైరల్ అవ్వడంతో దీనిపై నెటిజన్లు అనేక ప్రశ్నలు గుప్పిస్తున్నారు. అసలు నిజానిజాలు తెలియాల్సి ఉన్నాయి
Share
Xiaomi 14T Series: ఒకేసారి రెండు ఫోన్లు.. ఊహకందని ఫీచర్లు, లైకా సెన్సార్లతో కెమెరాలు!
Poonam Kaur: బ్రేకింగ్.. ఎట్టకేలకు త్రివిక్రమ్ పై ఫిర్యాదు చేసిన పూనమ్
