Rocking Rakesh: జబర్దస్త్ కమెడియన్ రాకింగ్ రాకేష్ గురించి అభిమానులకు ప్రత్యేకంగా చెప్పాల్సిన అవసరం లేదు. జబర్దస్త్ ద్వారా ఫేమస్ అయినా నటుల్లో రాకేష్ ఒకడు. ప్రస్తుతం వరుస సినిమాలతో, షోలతో బిజీగా ఉన్న రాకేష్.. గతేడాది జోర్దార్ సుజాతను ప్రేమించి పెళ్లి చేసుకున్నాడు.
యాంకర్ గా కెరీర్ ప్రారంభించిన ఆమె బిగ్ బాస్ కంటెస్టెంట్ గా వెళ్లి మంచి గుర్తింపు తెచ్చుకుంది. ఇక ఆ తరువాత జబర్దస్త్ లో రాకేష్ టీమ్ లో ఎంట్రీ ఇచ్చింది. ఇక వీరి పరిచయం ప్రేమగా మారి పెళ్లికి దారితీసింది. పెళ్లి తరువాత కూడా సుజాత షోస్ తో పాటు సినిమాలు కూడా చేస్తుంది.
ఇటీవల ఓటిటీలో రిలీజ్ అయిన సేవ్ ది టైగర్స్ సిరీస్ లో సుజాత.. ప్రియదర్శి భార్యగా నటించి మెప్పించింది. ఇక రాకేష్- సుజాత తల్లిదండ్రులు కానున్నారని గత కొన్నిరోజులుగా వార్తలు వినిపిస్తున్నాయి. కానీ, వారు అధికారికంగా ప్రకటించలేదు. అయితే సుజాత సీమంతం నేడు ఘనంగా జరిగింది.
అతికొద్ది బంధుమిత్రుల సమక్షంలో సుజాత సీమంతం జరగడం, ఆ ఫొటోలు సోషల్ మీడియలో వైరల్ అవ్వడంతో సుజాత ప్రెగ్నెంట్ అవ్వడం నిజమేనని తెలిసింది. దీంతో అభిమానులు ఆమెకు శుభాకాంక్షలు తెలుపుతున్నారు. ఇకపోతే ఈ వేడుకకు జబర్దస్త్ టీమ్ తో పాటు సుజాత స్నేహితులు కూడా విచ్చేసి ఆమెను ఆశీర్వదించారు. ప్రస్తుతం ఈ ఫోటోలు నెట్టింట వైరల్ గా మారాయి.
Share
Vivo V30 Lite 4G Price: వివో నుంచి న్యూ స్మార్ట్ఫోన్.. అట్రాక్ట్ చేస్తున్న డిస్ప్లే!
Lavanya Tripathi: మెగా కోడలు.. దారికి వచ్చిందట..?
