Lavanya Tripathi: మెగా కోడలు.. దారికి వచ్చిందట..?

Lavanya Tripathi: మెగా కోడలు లావణ్య త్రిపాఠి ప్రస్తుతం సినిమాలను ఏరికోరి ఎంచుకుంటుంది. హీరో వరుణ్ తేజ్ ను పెళ్ళాడి మెగా కోడలిగా మారాక.. అమ్మడి ఎంచుకొనే కథలలో కూడా మార్పులు వచ్చాయి. ఈ మధ్యనే ఈ చిన్నది మిస్ పర్ఫెక్ట్ అనే వెబ్ సిరీస్ తో ప్రేక్షకుల ముందుకు వచ్చింది. ఈ సిరీస్ మంచి విజయాన్నే అందుకుంది.

దీని తరువాత భర్తతో కలిసి వెకేషన్ కు వెళ్లి వచ్చింది. ఆ తరువాత కొన్నిరోజులు తల్లి ఇంటిదగ్గర ఉండి వచ్చిన ఈ బ్యూటీ.. తాజాగా రొటీన్ లైఫ్ లోకి అడుగుపెట్టిందట. అదేనండీ జిమ్ లో వర్క్ అవుట్స్ స్టార్ట్ చేయడం మొదలుపెట్టినట్లు లావణ్య ఒక వీడియో ద్వారా తెలిపింది. ఈ మధ్య వరుస ఫోటోషూట్స్ తో సోషల్ మీడియాను షేక్ చేస్తున్న ఈ బ్యూటీ తాజగా జిమ్ వీడియో రిలీజ్ చేసింది. అందులో బ్యాక్ చూపిస్తూ.. హార్డ్ వర్క్ అవుట్స్ చేస్తూ కనిపించింది.

ఇక ఈ వీడియోకు.. ” నాలుగు నెలల తరువాత జిమ్ కు వచ్చాను.. నాలుగు రోజులు పట్టింది.. మళ్లీ నా దారికి రావడానికి.. నేను చేయాల్సింది చాలా ఉంది. మునపటిలా నా దారికి వచ్చాను” అని రాసుకొచ్చింది. ప్రస్తుతం ఈ వీడియో నెట్టింట వైరల్ గా మారింది. ఇక ఈ వీడియో చూసిన వారందరూ.. ఏం పర్లేదు.. ఇకనుంచి గట్టిగా సాధన చేయండి అని కొందరు చెప్తుండగా.. ఇంకొందరు మీరు చేయగలరు అని మోటివేట్ చేస్తున్నారు. మరి ముందు ముందు మెగా కోడలు ఎలాంటి సినిమాల్లో నటిస్తుందో చూడాలి.